Хойд Америкийн Үндэсний сагсанбөмбөгийн холбооноос Филиппин улсад зохион байгуулсан "NBA 3x Invitational Champion" тэмцээнд оролцсон Монгол Улсын эмэгтэй, эрэгтэй багууд хосоороо аварга болж цомын эзэд боллоо. Тус тэмцээнд оролцох урилгыг NBA-ийн зүгээс МСБХ-нд өнгөрсөн сард ирүүлсэн юм.
Эмэгтэй баг хэсгээсээ гурван хожилтойгоор гарч ирж, аваргын төлөө Япон улсын багийг 16:6 оноогоор хожиж, ил тасархай түрүүлсэн байна. Харин манай эрэгтэй баг хоёр хожил нэг хожигдолтойгоор хэсгээсээ нэгээр гарч, аваргын төлөө легионер тоглогчоор хүчээ зузаатгасан талбайн эзэн орны туршлагатай, хүчирхэг багийг 21:17 харьцаатай хожжээ.
Тэмцээний шагналыг 2004 оны NBA-гийн аварга, гурван удаагийн "Бүх одод" тоглогч Ричард Хамилтон гардуулан өгсөн байна.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна