Цагдаагийн хурандаа Ж.Амгаланг УОК-ын нарийн бичгийн даргаар томилжээ

2021/03/11

ЦЕГ-ын дэд дарга, цагдаагийн хурандаа Ж.Амгалан Улсын Онцгой Комиссын/УОК/-ын нарийн бичгийн даргаар томилогджээ.

Түүнийг цар тахлын аюулаас сэргийлэх 10 сарын хугацаанд мэргэжлийн байгууллагуудтай хамтран үр дүнтэй ажилласан, удаа дараа хөл хорио тогтоож, хэв журмыг сахиулах ажлыг гардан гүйцэтгэсэн туршлагатай гэж үзэн ЦЕГ-ын дэд даргаас УОК-ын нарийн бичгийн даргаар шилжүүлэн томилох шийдвэрийг Шадар сайд гаргасан байна.

Хурандаа Ж.Амгалан нь 1991-2014 онд цагдаа, дотоодын цэргийн байгууллагад албаны офицер, мэргэжилтэн, ахлах офицер, хэлтсийн дарга, Дотоодын цэргийн штабын орлогч дарга, ЦЕГ-т албаны дарга, ЦЕГ-ын дэд даргаар тасралтгүй ажиллажээ.

Боловсрол, мэргэжил:

ОХУ-ын Дотоод явдлын яамны ар тал-тактикийн дээд сургуулийг инженер
Цагдаагийн академийг хуульч-эрхч зүйч
ОХУ-ын Жанжин штабын академийг төрийн удирдлага-үндэсний аюулгүй байдлын стратеги судлалаар тус тус төгссөн, аюулгүй байдлын дэд доктор, Цэргийн шинжлэх ухааны профессор цолтой.
Орос, англи хэлтэй, аюулгүй байдлын мэргэжлийн судлаач, хуульч.

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

64.119.17.71

2021/03/11

ЧАДАХГҮЙ БОЛОХООР ЧАДДАГ НЭГНИЙГЭЭ ТАВИХААС ЯАХАВ. ВИРУС ИХ ЮМЫГ ИЛЧИЛЖ ӨГЧ БАЙНА ДАА. САЙН НЬ ТУНЖ ҮЛДЭЖ СААР НЬ ӨӨРСДИЙГӨӨ МЭДЭЭД БУЮУ ХЭРГЭЭС МУЛТРАХ ЗАМ РУУГАА ОРЖ БАЙНА. ИХ ЮМ ДУУЛДАЖ ИХ ЮМ ИЛЧЛЭГДЭНЭЭ.
Хариулах
122.201.23.226

2021/03/11

Цар тахалын хугацаанд Амгалан хурандаа маш сайн ажиллсан гэж жирийн иргэний хувьд дүгнэж байна. Маш зөв хүнээ тавьсан байна амжилт хүсэж байна.
Хариулах