Г.Дамдиннямыг Байнгын хорооны даргаар сонгох тухай асуудлыг хэлэлцэнэ

УИХ-ын чуулганы хуралдаан 10 цагаас эхэлнэ. Чуулганы өнөөдрийн болон маргаашийн хуралдаанаар дараах асуудлуудыг хэлэлцэхээр төлөвлөжээ.

Чуулганы хуралдааны эхэнд Боловсрол, соёл, шинжлэх ухаан, спортын байнгын хорооны даргыг сонгох тухай асуудлыг хэлэлцэх юм. УИХ дахь МАН-ын бүлгээс тус Байнгын хорооны даргаар Г.Дамдинням гишүүнийг нэр дэвшүүлснийг Байнгын хорооны гишүүд нь дэмжээд байгаа юм.

1. Байнгын хорооны даргыг сонгох, чөлөөлөх тухай;
2. Хүний эрх хамгаалагчийн эрх зүйн байдлын тухай хуулийн төсөл болон хамт өргөн мэдүүлсэн хуулийн төслүүд /эцсийн хэлэлцүүлэг/;
3. ХЭҮК-ын тухай хуульд нэмэлт, өөрчлөлт оруулах тухай хуулийн төсөл /анхны хэлэлцүүлэг, Хүний эрх хамгаалагчийн эрх зүйн байдлын тухай 
4. Засгийн газрын тусгай сангийн тухай хуульд нэмэлт оруулах тухай хуулийн төсөл болон хамт өргөн мэдүүлсэн хуулийн төслүүд /анхны хэлэлцүүлэг/;
5. Согтууруулах ундааны эргэлтэд хяналт тавих, архидан согтуурахтай тэмцэх тухай хуулийн төсөл болон хамт өргөн мэдүүлсэн хуулийн төслүүд /Засгийн газар өргөн мэдүүлсэн, хэлэлцэх эсэх/;
6. Цаг үеийн шинжтэй асуудлаар мэдээлэл сонсох: Ерөнхий сайдын 2021 оны 45 дугаар захирамжаар байгуулагдсан Оюутолгой ордын ашиглалтад Монгол Улсын эрх ашгийг хангуулах тухай УИХ-ын 2019 оны 92 дугаар тогтоолыг хэрэгжүүлэх ажлыг удирдан зохион байгуулах, Оюутолгой төслийн гаднын хөрөнгө оруулагч талтай хэлэлцээ хийх, төслийг тохирох, эцэслэсэн хувилбарыг танилцуулах үүрэг бүхий ажлын хэсгээс хэрэгжүүлж буй ажлын явцын талаар;
7. Монгол Улс, Олон улсын хөгжлийн ассоциаци хоорондын нэмэлт санхүүжилтийн хэлэлцээр Монгол Улсад КОВИД-19-аас урьдчилан сэргийлэх, хариу арга хэмжээ авах, бэлэн байдлыг хангах төслийг соёрхон батлах тухай хуулийн төсөл /Засгийн газар өргөн мэдүүлсэн, соёрхон батлах/;
8. Нийгмийн даатгалын үндэсний зөвлөлийн зарим гишүүнийг чөлөөлөх, томилох тухай;
9. Эрүүл мэндийн даатгалын үндэсний зөвлөлийн зарим гишүүнийг чөлөөлөх, томилох тухай.