​ Л.Гүндалай: Би Ерөнхийлөгчийн сонгуульд өрсөлдөх шийдвэр гаргасан. Бүх л шалгуурыг хангаж байгаа

Л.Гүндалай: Би Ерөнхийлөгчийн сонгуульд өрсөлдөх шийдвэр гаргасан. Бүх л шалгуурыг хангаж байгаа
Ардчилсан намд гуравдахиа элсэж, намын даргад нэр дэвшсэн ч “өвдөг шороодсон” Л.Гүндалай өнөөдөр Ерөнхийлөгчийн сонгуульд өрсөлдөх хүсэлтэй байгаа мэдэгдлээ.
Тэрбээр “Миний нэрийг Ламжавын Гүндалай гэдэг. Та бүхэн бүгдээрээ бараг мэднэ дээ. Гэхдээ энэ удаа нэр, усаа хэлчихье гэж бодлоо. За би Монгол улсын Ерөнхийлөгчийн сонгуульд өрсөлдөхөөр өөрийнхөө хувьд шийдвэрээ гаргасан.
Аль нэг нам эвсэл намайг нэр дэвшүүлнэ гэж яриагүй, тийм зүйл болоогүй. Гэхдээ өнөөдөр Монгол Улсад монголын төлөө гэсэн цохилох зүрхтэй сэтгэлтэй, улсаа өөрчилж шинэчилж чадах Ерөнхийлөгч, удирдагч ус агаар мэт маш их хэрэгтэй байгаа. Миний бие энэ шалгуурт өөрийгөө тэнцэнэ гэж бодож сонгуульд өрсөлдөхөөр өөрийн зүгээс нэрээ дэвшүүлээд байгаа юм.
Би айлын найм дахь хүүхэд. Наймын тоо хүнийг баяжуулдаг юм гэнэ лээ. Би ямар ч байсан гэр бүлээ бол баяжуулсан. Монголын бүх хүүхдийг, тэдний гэр бүлийг хүүхдийн мөнгөөр баяжуулсан хүн. Бяцханч гэсэн тус нэмэр болж байгаа байх. Би монголын ард түмнийг зовхи өөдөө, баян сайхан ийм байгаасай гэж, ингэж баяжуулахын төлөө санаа сэтгэл зовж явдаг хүн. Би АН-аас салаад нам байгуулаад явсан түүх бий. Үүний цаад учир нь Монгол улсын ерөнхийлөгчид нэр дэвших, тэр суудлыг нам дээрээ авъя даа гэсэн, тийм л бодолтой байсан юм.Харамсалтай нь бүтээгүй. Одоо бол би биеэ, гэрээ засчихсан, төрөө засахад надад бүх зүйл бий” хэмээн ярьжээ.