Б.Баатархүү: Нэгдүгээр эмнэлгийн ЗУРГААН ДАВХРААС унасан талийгаач 42 настай эмэгтэй хүн байсан


Ковид 19 өвчнөөр өвдсөн иргэдэд эмнэлгийн тусламж үйлчилгээ үзүүлж байсан сувилагч эмэгтэй Улсын Клиникийн төв нэгдүгээр эмнэлгийн зургадугаар давхраас унаж нас барсан гэсэн мэдээлэл гараад байгаа билээ. ЦЕГ-ын Хэвлэл мэдээллийн төвийн дарга Б.Баатархүү энэ талаар мэдээлэл өглөө.

Тэрээр  “Дөрөвдүгээр сарын 29-ний 00.23 цагт СБД-ийн Цагдаагийн нэгдүгээр хэлтэст “Улсын Төв нэгдүгээр эмнэлгийн гадаа хүн нас барсан байна” гэсэн дуудлага ирсэн. Хэлтсээс бүрэлдэхүүн очиж хэргийн газар ажилласан байгаа. Хэрэг гараад удаагүй 11, 12 цаг л болж байна. Эцэслэн тогтоогдоогүй байна. Урьдчилсан байдлаар тус эмнэлгийн зургадугаар давхраас унасан байж болзошгүй нөхцөл байдал тогтоогдож байгаа. Гэхдээ эцэслэн тогтоогоогүй. Талийгаач 42 настай эмэгтэй хүн байсан. Зургадугаар давхар ковид19 өвчтэй өвчтөнүүдийн хэвтэж эмчлүүлж байсан бүс байсан. Гэхдээ яг тэнд байсан уу гэдгийг бид шалгаж байж тогтооно. Тэр болтол хүндэтгэлтэй хандаж талийгаачийн хувийн мэдээллийг нийтэд задруулахгүй байхыг хүсье” гэв.




Сэтгэгдэл (15)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.