Л.Оюун-Эрдэнэ: Жагсаал цуглаанд оролцож, бөөгнөрч болохгүйг иргэддээ хандаж хэлье

Админ
2021/05/08

УИХ дахь Ардчилсан намын бүлгийн гишүүдийн зарласан өлсгөлөн зарлаж, гишүүд, дэмжигчид Төв талбайд жагсаал хийж байна. Ерөнхий сайд Л.Оюун-Эрдэнэ өнөөдөр дархлаажуулалтын цэгийн үйл ажиллагаатай танилцах үеэрээ энэ асуудлын талаар байр сууриа илэрхийлжээ.

Тэрбээр "Бидний хувьд амаргүй 100 хоног болж байна. Засгийн газрын эхний хоног дээр жагсаал болж байсан. Одоо ч жагсаал болж байна. Энэ бүгд Ерөнхийлөгчийн сонгуультай холбоотой. Үүнд ҮАБЗ-ийн гишүүн буюу Монгол Улсын Ерөнхийлөгч, УИХ-ын дарга, Ерөнхий сайд бид нэгдмэл байх ёстой. Бид иргэдийг уриалан дуудаж, цар тахлаас дээгүүр улс төрийн эрх ашгийг тавьж болохгүй.

Жагсаал цуглааныг хориглосон ч жагсаал цуглаан болж байна. Иргэддээ хандаж хэлэхэд жагсаал цуглаанд оролцож, бөөгнөрч болохгүй.

Олон хүн цуглараад халдварын тархалт ихсэж дахин хатуу хөл хорио тогтоох болбол хэн хариуцах вэ

Улс төрчид өөрсдийн үзэл бодлоо илэрхийлэг. Өлсгөлөн зарлаад талбай дээр суух нь халдвар хамгааллын дэглэм зөрчиж байгаа явдал. Өчигдөр мэдээллүүд авсан. Өмнөговиос шөнөдөө ирээд Хууль зүйн сайдад өлсгөлөн зарлаж буй гишүүдэд майхан сав хэрэгтэй бол гаргаж өгөхийг хэлсэн. 

Олон хүн цуглараад халдварын тархалт ихсэж дахин хатуу хөл хорио тогтоох болбол хэн хариуцах вэ.

Хэн нэгэн халдвартай хүн ирээд халдвар тархвал уг үйл ажиллагааг уриалж байгаа улстөрчид хариуцахгүй. УОК, ЭМЯ, Засгийн газрын нуруун дээр ачаалал бууна. Тиймээс төрөө төлөөлөх тангараг өргөсөн эрхэм гишүүд улстөрөө ордондоо орж хийх нь зүйтэй алхам байх.

Өлсгөлөн зарлах эрхийг нь хүндэтгэж, арга буюу боломжийг нь хангах чиглэлийг Хууль зүйн сайдад өгсөн байгаа" гэв.



Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 202.9.40.177
    2021/05/08

    Энэ ман аль ч засгиин үед ам ажил нь алд дэлэм зөрдөг оюуэрэнээс эхлээд ямарч боловсролгүй цүнх баригчид дарга гээд пэдиигээд еөрөнхиилөгчийг үг хэлүүлэхгүй хурлыг нь хаяад гарсан гэнэ энэ хэн бэ

    Хариулах
  • 66.181.161.114
    2021/05/08

    хүн олноор цугларч болохгү гэчхээд ягаад 12 хүүхдүүдг танхимаар оруулхгээд бгамбээ тэд нар чн вацина хийлгэгүү бгашд эсэргүүцэж бна

    Хариулах