ЭЕШ наймдугаар сарын 19-22-ны өдрүүдэд зохион байгуулагдана

Засгийн газрын хуралдаанаар ЭЕШ-ыг наймдугаар сарын 19-22-ны өдрүүдэд зохион байгуулахаар шийдвэр гаргаад байна. 

Энэ онд их, дээд сургуульд элсэн орох эрхийн шалгалтыг 40,420 шалгуулагч өгнө. Шалгуулагчдыг насны бүтцээр нь авч үзвэл: 

• 13,636 нь 19 ба түүнээс дээш насныхан
• 25,082 нь 18 настнууд
• 1,675 нь 15-17 насныхан юм.

Л.Энх-Амгалан: "Наймдугаар сарын 19-н гэхэд энэ онд ЭЕШ өгөх 40,000 гаруй хүүхдийн 38,200 нь 17-18 насныхан буюу бүрэн тундаа хамрагдсан байх тооцоололтой байна. Хүүхдүүд, багш нар, эцэг эхчүүд бүгд бүрэн тундаа хамрагдсан байх тул эрсдэл багатай гэж үзэж байгаа юм. 

Цаашид ЭЕШ-ыг жилд хоёр удаа авах тогтолцоонд шилжих шаардлага бий. Эцэг эхчүүдээс ЭЕШ-ыг цуцалж, шууд дүнгээр нь тооцон их, дээд сургуульд элсүүлэх санал их ирүүлсэн. Гэвч энэ жил улсын шалгалтыг цуцалсан тул өмнөх дүн, шалгалтаар нь дүйцүүлэх боломж байгаагүй" гэлээ.

                                                                                                                                                                                            Х.Есү