Манай нам дотроо хагаралтай байгааг Монгол улсын иргэн бүр харж, бас мэдэж буй. Харин, энэ хагарал даамжирсаар өдгөө, Ардчилсан Нам “орших уу, эс орших уу” гэдэг хязгаарт хүрч ирээд байгааг олон хүн мэдэхгүй. Тэр бүү хэл, намын олон гишүүд, цөөнгүй манлайлагчид хүртэл асуудал иймдээ тулсныг сайтар ойлгоогүй яваа мэт санагдах юм!
Ардчилсан хувьсгалаас хойших 30 жилд; Монгол Улсын үндэсний эрх чөлөө, жинхэнэ тусгаар тогтнолыг түших улс төрийн хоёр багана нь “Монголын ХХ зууны түүхийн дуудлагаар гарч ирсэн Ардчилсан Нам болон МАН юм” хэмээх “далд ухамсар” манай нийгмийн улс төрийн харилцааг тогтоон барьж ирсэн байдаг. Ардчилсан Нам, МАН хоёрын хооронд үзэл санааны том зөрүү, засгийн эрх мэдлийн төлөө тус тусын хүчтэй амбиц байсан хэдий ч хэзээд “модон сэлмээр л байлддаг” байв. Сонгуулиар ялсан нэгэндээ засгийн эрхийг тайван замаар шилжүүлэн өгч, бие биеийнхээ засаглах эрхийг хүлээн зөвшөөрдөг байв. Нэн чухал нь, хэн хэнийхээ оршихуйн эрх, түүний ач холбогдлыг гүнзгий ухамсарлан, хүндэтгэн үзсээр ирсэн. Гэтэл, Амарбаясгалант тэргүүтэй МАН-ын шинэ үеийн удирдлага гарч ирснээс хойш “хоёр баганын зарчим” хөсөрдөж, манай намыг “чадвал устгах” зорилготой үйл ажиллагаа, явуулгууд эхэлсэн. Хамгийн харамсалтай явдал нь тэдний гар хөл бологсод манай нам дотор бий болоод, улам бүр хүчийг авахдаа хүрсэн байна. Ардчилсан Намыг “хорлон сүйтгэх” нь МАН-д “зардаг” бизнес болж байгаа юм биш биз?! гэж хардмаар, хармаар явдлууд сүүлийн үед манай нам дотроос олон гарах болсон. Үүний нэг тод жишээ нь дөнгөж нөхөн сонгууль эхлэх үетэй зэрэгцүүлэн, УИХ-ын гишүүн Ц.Туваан тэргүүтэй хэсэг журмын нөхдийг хөөсөн, зориудын санаатай хорон акц мөн болно. Сонгуульд эв нэгдэл хамгийн чухал гэж мэдсээр атлаа шүү!
Коммунист, фашист намуудад л “гишүүнээ хөөнө” гэсэн бүдүүлэг ойлголт байдаг юм. Харин, ардчилсан намууд, тэр тусмаа баруун төвийн үзэлтэй намуудад, хүний улс төрийн эрхийг намын удирдлага нь үгүйсэгдэг балай явдал үгүй билээ. Зөвхөн үзэл санаанаасаа “урвасан” тохиолдолд, гишүүнийхээ улс төрийн карьерийг дэмжихгүй гэдгээ илэрхийлэх төдий л арга хэмжээ авдаг!
2016 оны намрын Үндэсний Бодлогын Хорооны Хурлын хуралдаанаар Ерөнхийлөгч асан Х.Баттулга, намын дарга асан С.Эрдэнэ нарыг Ардчилсан Намаас хөөх тухай шийдвэр гаргах гэж тухайн үеийн удирдлага муйхарлаж байхад нь миний бие зад эсэргүүцэж таслан зогсоосны гол шалтгаан бол, миний ардчилсан баруун төвийн үзэл маань байсан бөлгөө. Тэр үед Х.Баттулга, С.Эрдэнэ нарыг хөөсөн бол нэг нь Монгол Улсын Ерөнхийлөгч, нөгөө нь Ардчилсан Намын дарга болох тухай мөрөөдөх ч эрхгүй үлдэх байсан юм. Өдгөө МАН-ын даргын зөвлөх болоод байгаа Х.Баттулга, Тувааныг “хөөсөн” С.Эрдэнэ хоёр тэр өдрийг тод санах ёстой!
Манай намд, жирийн гишүүн байхдаа ардчилсан үзэлтэй, дарга болохоороо дарангуйлагч болчих гээд байдаг лидерүүд цөөнгүй байсан. Эрх мэдэл дагаж өөрчлөгддөг үзэл санаа бол үзэл санаа биш юм. Тэр бол зүгээр л жижигхэн дүр гаргагч карьерист төдий этгээдийн байгаа царай юм. Ийм, үзэл санаа төлөвшөөгүй карьеристуудаас болж манай нам хагараад, одоо мөхлийн ирмэг дээр ирээд байна! Ардчилсан Нам мөхвөл Монголын ардчилал хамгаалагчгүй үлдэнэ. Монголын ардчилал хамгаалагчгүй үлдвэл Ардчилал устана. Ардчилал уствал Монгол орон үндэсний эрх чөлөө-тусгаар тогтнолоо алдана. Монгол хүн бүр өөрийн эрхээр амьдрах эрх чөлөөгөө алдана. Ингэж бодоод үзвэл, Монгол болон монголчууд Ардчилсан Намаа алдвал ямар гай түйтгэр болох нь ойлгомжтой.
Ардчилсан Намын ачаар л Монгол Улс үндэсний эрх чөлөө, тусгаар тогтнолоо жинхэнэ ёсоор олж авсан. Ардчилсан Намын ачаар л монгол хүн, бусдын эрхээр “жаргах” бус, өөрийн эрхээр амьдрах хувьтай болсон. Тийм болохоор Ардчилсан Нам Монголын түүхэнд “алтан үсэг”-ээр бичигдэнэ.
Ардчилсан Намын гишүүд ээ! Ардчилсан Нам түүхэнд алтан үсгээр бичигдчихээд мөхөхдөө тулах ёсгүй. Ардчилсан Нам оршин байвал эрх чөлөөт Монгол оршин байна. Ардчилсан Нам уствал эрх чөлөөт Монгол мөхнө!
Тийм учраас Ардчилсан Намынхан бид өөр хоорондын гомдлоо хойш тавьж, зоригоо чангалан нэгдэж, намаа аврах хэрэгтэй! Монголдоо буян, ачаа түгээсээр амьдарцгаая! Бид ийм хувь ерөөлтэй байх ёстой улс!Түүх бидэнд оноосон хувь ерөөлийг гутаах эрх бидэнд үгүй!
Нэгдэцгээе! Бид нэгдсэн үедээ ямагт ялж байсан юм шүү! Намаа нэгтгэх энэ цагийн түүхэн хариуцлага Цогтгэрэл, Тулгат хоёрт очсон! Манай хоёр залуу лидерүүд санаачлагыг гартаа авах цаг нь болсон байна!
Ардчилсан Намыг минь хөх тэнгэр ивээх болтугай!
Монгол Улсын Баатар, АН-ын гишүүн С.Бат-Үүл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
103.57.95.61
Салга саарал улстөрөөс зайлж үйлийн үрээ үүрч шоронд орох аваас нийгэм цэвэршиж эхэлнэ.
Хариулах59.153.114.107
Psda zailaach
Хариулах218.18.41.155
Салга амбан чадах уу чадвартай сайхан залуучууд байж л байна энэ мэтийн юмнууд саад болоод тэд юм хийж чадахгуй байгаашдээ
Хариулах202.179.25.223
Батүүл гэх энэ өвгөн хуулийн байгууллага өөрийнх нь асуудлыг сөхөөд шүүх хурал дөхөөд ирхээр л элдэв юм ярьж олны анхаарлыг өөр тийш хандуулах аргатай хүн бас болоогүй сонгуульд нэрээ дэвшүүлчихэж олон жил монголын хуулиас зугтахгүй дээ Элбэгдорж та хоёр. Та бол маш эвгүй юм хийдэг хүн
Хариулах202.55.188.103
Shuuh hurlaa heden udaa hoishiluulah gesiin be. Er hun shig monhol ulsin baatar uhaantai yum bol zuv buruuga turgen shiiduuleed garaad ireeche. Aimhai hog
Хариулах202.55.188.103
40 myangatin huligaan baij bgaad ardchilalin buyanaar zad bayajichihaad yu soliorood bga uvgun be. Hun aminii hergiin sejigten idsen uusnaara shalgagdaj bj ih yum hutshiin
Хариулах150.129.142.193
Ардчлалын ач буян эрх чөлөөг цөөхөн хэдэн хүн хүртээд төрийн өндөр сэнтийд залараад бүх насаараа идээд барахгүй хөрөнгөжиж ард түмний 50 хувь ядуу гудамжинд гуйлга гуйгаад цаасан хайрцаганд 10. 20 төгрөг хүн өгөхийг горьдоод сууж байгаа иргэд орц гудамжийг хогийн сав ухаж жоншны хаягдсан шуудайнд лааз шил олж хийгээд алхаж яваа идэрхэн иргэд.эр эмгүй архи пиво үнэртүүлж тамхи татсан охид хөвгүүд аргагүй л та нарын буруу эхлүүлсэн Ардчлалын чөлөөт эрхийг эдлэж явааг та нар юу гэж боддог вэ. Ардчлалын нэр хүндийг цөөхөн баяжигчид бэртэгчин үзэлтэй та хэд булшилж адаг сүүлд нам 2.3 хуваагаад өөрсдөө энхийн цагаан тагтаа шиг гуа амлаж гэмгүй юм шиг байж таарах уу.одоо намаас холд зайгаа тавьж та нарын гэдэс цадсан
Хариулах64.119.20.68
Өө зөнөг толгой нам улс ороноо самарч хаячаад одоо юу солиороод бна даа . Энэ бүүр солиорчихсон шааж бна
Хариулах202.55.188.82
АН-н ДАРГА БАЙСАН БАТ ҮҮЛ ХҮҮТЭЙГЭЭ НИЙЛЖ ЛУЙВАР ХИЙСЭН, ДОРЛИГЖАВ ДҮҮТЭЙГЭЭ НИЙЛЖ 4 САЯ ДОЛЛАР ДЭЭРЭМДСЭН ЭЛБЭГДОРЖ ЭРДЭНЭТ ҮЙЛДВЭРИЙН 49% ГЭЭД АРД ТҮМНИЙХЭЭ ИХ ХЭМЖЭЭНИЙ МӨНГӨ, ХӨРӨНГИЙГ ДЭЭРЭМДДЭГ НОВШНУУД. АН МОНГОЛ УЛС, МОНГОЛЫН АРД ТҮМЭНД ХЭРЭГГҮЙ.
Хариулах202.9.40.174
Үзэл бодлын зөрчил. АН- ыг ашиглаж улс төрд тоглох гэсэн Элбэгдорж Баттулга нарын тэмцэл. Олоогоор Элбэгдорж давуу байдалтай байна. Үүлийн энэ санаа бол мөрөөдөл төдий үлдэнэ. АН үгүй болсноор монголд аодчилал зөв голдирлоороо бэхижнэ шүү
Хариулах