"Засаглалд залуу сэтгүүлчдийн оролцоо-2021" хөтөлбөр зарлагджээ

Засаглалыг бэхжүүлэх, төвлөрлийг сааруулах хөтөлбөрийн хүрээнд Хууль зүй, дотоод хэргийн яам, Швейцарын хөгжлийн агенлтлагийн хэрэгжүүлж буй "Иргэдийн оролцоо" төслийн дэмжлэгтэйгээр Бодлогод залуусын хяналт ТББ-аас “Засаглалд залуу сэтгүүлчдийн оролцоо” хөтөлбөрийг 2018 оноос эхлэн хэрэгжүүлж байна. 

Энэ удаад тус хөтөлбөрийн 5 дахь удаагийн элсэлтийг зарлаж байгаа бөгөөд бидэнтэй хүсэл, зорилго нэгдэж байвал бидэнтэй нэгдэхийг урьж байна.

Хөтөлбөрийн зорилго: Энэ хөтөлбөр нь засаглалын асуудлаар мэргэшсэн, мэргэжлийн өндөр ур чадвартай сэтгүүлчдийг нэмэгдүүлэх, тогтвортой үйл ажиллагаа бүхий зохион байгуулалттай бүтцийг бий болгох, дэмжиж, хараат бус бие даасан сэтгүүл зүйн салбарыг бэхжүүлэхэд хувь нэмрээ оруулах зорилготой юм.

Хөтөлбөрт хамрагдсанаар:

• Засаглал, иргэдийн оролцоо, хууль, эрх зүйн хүрээнд чадавхжуулах сургалтуудад хамрагдах
• Сэтгүүл зүйн ур чадварын сургалтууд  
• Хууль болон засаглалын чиглэлээр мэргэшсэн экспертүүдийн зочин лекцүүдийг сонсох  
• Багаар бүтээл туурвих зэрэг цогц үе шат бүхий чадавхжуулах үйл ажиллагаануудад оролцогчид хамрагдана.
• 100 гаруй залуу сэтгүүлчдийн гишүүнчлэл бүхий “Засаглалд залуу сэтгүүлчдийн оролцоо хөтөлбөрийн төгсөгчдийн холбоо”-ны гишүүн бол үеийн залуусаас суралцах, хөгжих боломжтой.

Элсэгчдэд тавигдах шаардлага:

• Сэтгүүл зүйн салбарт мэргэжлээрээ ажиллаж буй 25-40 хүртэлх насны сэтгүүлч, редакторууд
• Засаглал, иргэний оролцооны чиглэлээр мэргэшиж сэтгүүл зүйн бүтээл туурвих хүсэлтэй залуу сэтгүүлчид  
• Дотоодын их, дээд сургуулиудад сэтгүүл зүйн чиглэлээр сурч буй төгсөх курсын оюутнууд
• Сэтгүүл зүйн салбарт ажиллаж байгаа, ажиллаж байсан, бичих сонирхолтой мэргэжлийн бус цөөн тооны оролцогч авах боломжтой. (өөрийн бүтээлийг хавсралтаар ирүүлэх нэмэлт шаардлагыг хангаж байвал)

Хугацаа:

• Цахим өргөдөл ирүүлэх хугацаа: 2021 оны 10 дугаар сарын 10-ны өдрийг дуустал
• Цахим өргөдөл бөглөх линк: https://forms.gle/wC5c8xEBvJTP7qRi9
• Хөтөлбөрийн 5 дахь элсэлт 2021 оны 10 дугаар сарын 15-ны өдрөөс 12 дүгээр сарын 25-ны өдөр хүртэл үргэлжилнэ.

Жич: Бямба, Ням гарагуудад сургалт, лекцүүдийг зохион байгуулж, багаараа сэтгүүлзүйн бүтээлийг бэлтгэж, олон нийтэд хүргэнэ.

Тэнцсэн оролцогчид бүртгэлийн хураамж 30,000₮ Бодлогод залуусын хяналт ТББ-ын дансанд шилжүүлнэ.

Холбоо барих: Journalistsalumni@gmail.com болон 96034774, 91001015 утсаар холбогдоно уу.