УОК-ын дарга С.Амарсайхан ​учраа олохгүй байсаар улсаа СҮЙРҮҮЛЭХ нь

Монгол Улсад ковид-19 бүртгэгдэхээс эхлэн үйлчилгээний бизнесүүдийг хааж боогдуулан заримыг нь дампууруулж, заримыг нь дампуурлын эрмэгт аваачсан. 

Эсэргүүцэн жагсаж, гуйж байж бизнес эрхлэгчидтэй харицуцлагын гэрээ хийж, зөрчвөл үйлчилгээ явуулах зөвшөөрлийг нь цуцална гэж байсан цаг саяхан. 

Саяхан л Засгийн газраас зохион байгуулсан "Digital nation" үзэсгэлэн дээр олон мянган хүнийг цуглуулсан шоу зохион байгуулагдсан. Үүнийн НОК-оос ковидийн дэглэм зөрчих тул зөвшөөрөл олгохгүй гэсэн албан бичиг хүргүүлсэн ч дээд шатны байгууллага УОК нь зөвшөөрчих нь тэр. 

Гардан зохион байгуулсан Харилцаа холбооны зохицуулах газрын даргыг нь сануулаад л өнгөрсөн гэх. 

Санаачлан хэрэгжүүлсэн Засгийн газрын тэргүүн нь төд удалгүй "Бид ковидтой зохицож амьдрах ёстой. Задгай талбайн арга хэмжээг дэмжиж ажиллана гэсэн юм. 

Тус арга хэмжээний дараа өдөрт бүртгэгдэх тохиолдол, нас баралт тоо нэмэгдэх болсон ч, албаныхан зохион байгуулалттай тоог дарж байгаа гэх мэдээлэл ч бий. 

УОК, НОК-ийн харилцан уялдаагүй байдал, эргэж буцсан шийдвэрүүдийн улмаас иргэд олон нийт, бизнес эрхлэгчид хохирсон уу гэхээс хожсонгүй. Цагийн хязгаарлалт, танхимын дүүргэлт гэх мэт зүйлсээр хааж боогдуулсаар л байгаа. 

Тэгвэл гашуудсан иргэдийн нулимс хатаж амжаагүй байхад үлгэр жишээ болох ёстой УОК-ын дарга С.Амарсайханы Зайсан Хилл цогцолборт битүү орчинд олон хүн цуглуулсан шоу зохион байгуулагдав.

Тодруулбал өчигдөр Camerton хамтлаг “The Night With Camerton” тоглолтоо өчигдөр УОК-ын дарга, шадар сайд С.Амарсайханы гэх Зайсан Хилл цогцолборт зохион байгууллаа. 

Уг нь "Цар тахлын хүнд цаг үеүдэд битүү зааланд урлаг соёлын арга хэмжээг зохион байгуулахгүй" гэх журам байдаг ч Эрхэм даргын хамаарал бүхий цогцолборт зохион байгуулагдсан тоглолтод үйлчилсэнгүй. 

Энэ тухай ХӨСҮТ-ийн дарга асан Л.Баттөр цахим хуудаснаа дараах байр суурийг илэрхийлжээ. 

“За, КОВИД-гүй Монголоо зарлах уу даа. Юун мини концерт, задгайн талбайн шоу. Юун дижитал Монгол боллоо доо. Тэссэнгүй хэлчихье. Нэг баг гэж зүтгэж явсных дуугүй л байлаа, ийм УОК, НОК ч гэж байх гэж дээ. Ийм болохоор эрүүл мэндийн салбарынханд ямар ч буруу байхгүй шүү” хэмээлээ.

Сүржин даржин шийдвэрүүд нь хөрсөн дээрээ буудаггүй, хэрэгждэггүй. Энгийн ардад зориулагдсан, бизнес эрхлэгчдээ хохироосон шийдвэрүүдээр "бөмбөгдсөөр". Журам гаргадаг ч өөрсдөө чөрчдөг ийм эрх бүхий албан тушаалтнуудын хариуцлагагүй байдлын улмаас ковид "гаарч" олон гэр бүл хагацал үзэж, олон хүүхдүүд өнчирч байна. Энэ бүх шоу цэнгээний үр дагаварыг эрүүл мэндийн салбарын эмч, сувилагч нар л үүрнэ. Нойртой нойргүй, хоолтой хоолгүй, нэг ч гэсэн иргэнийг аварчих юмсан гэсэн сэтгэлдээ хөтлөгдөн өдийг хүрч байгаа. 

Харин хариуцлагагүй эрх мэдэлтэн, албан тушаалтнуудын балгаар нэг л өдөр сөхөрч унахад бэлэн байна шүү С.Амарсайхан сайд аа!