Л.Эрхэмбаяр: Ч.Сайханбилэг ээ, ард түмнийг бүү доромжил. Эх орноо худалдчихаад амьд мэнд байгаагаа их юм гэж бод

Оюутолгойн гэрээ хэлэлцээртэй холбогдуулан Монгол Улсын Ерөнхий сайд асан Ч.Сайханбилэг өөрийн байр суурийг цахим орчноор дамжуулан илэрхийлсэн. Түүний энэхүү мэдэгдэл олон хүний эгдүүцлийг төрүүлж буй.

Сүүлд гэхэд АН-ын генсек асан Л.Эрхэмбаяр "Ч.Сайханбилэгээ, битгий ард түмнийг тэнэг, юу ч ойлгодоггүй гэж доромжил. Аятайхан бай хүүхээ. Тэсэж чадахгүй хэдэн үг хэлчихье. Чи болон бүлэглэл нууцаар Дубайд очсон. Чи Рио тансаг зардлаар ашгаа авсныг нь хүлээн зөвшөөрсөн. 

Риогоос өндөр хүүтэй мөнгө ОТ-д зээлүүлж мөнгө хүүлэх боломж олгосон, дагалдах баялагаас АМНАТ татвар тооцохгүй гэж УИХ-ын эрхэнд халдсан, угаасаа гэрээнд өөрчлөлт оруулах явдал чиний болоод бүлэглэлийн мэдэх асуудал биш, УИХ-ын эрхийн асуудал байсан, та нар хулгайгаар явсан. Монгол улсыг 2053 он хүртэл өрийн дарамтанд оруулсан гэрээ биш хууль бус “төлөвлөгөө”гэгчийг хийж ирсэн. Дубай бол УИХ-д танилцуулаагүй, цэвэр хуйвалдаан, асар том мөнгөний луйврын “ТӨЛӨВЛӨГӨӨ”.

Аль өнгөрсөн зууны Эрдэнэттэй жиших нь маш оновчгүй зүйрлэл байна. Дуугүй байхаар номхон тэмээ ноолоход амар гэгчээр ард түмнийг битгий доромжлоод усан тэнэг, юу ч ойлгодоггүй мал гээд бай. Чи олон юм яривал олон түмний уур бухимдлыг улам ихээр хүргэнэ гэдгийг нэгэн цагт намын журмын нөхөр явсны хувьд зөвлөе. Энэ их олон түмний уур хилэнгийн үед амьд мэнд байгаагаа их юм гэж бод. Ард түмэн харин ч та нарын үйлдлийг ойлгох гэж хугацаа орлоо, тэвчлээ, тэслээ. Одоо тэвчээр алдагдаж удахгүй сэрнэ. Жич: Улс орноо худалдчихаад байхад тэднийг өмөөрөөд байгаа хүмүүс ичиж амьдраарай. Жаахан хусам долоосон болоод тэгдэг биз" хэмээн бухимдлаа илэрхийлжээ.