Б.Бат-Эрдэнэ: ​Байгаль орчныг хамгаалж, ирээдүй хойч үедээ үлдээхийн төлөө би хэнтэй ч хамтарч ажиллана, хэнээс ч гуйна

Байгаль орчин аялал жуулчлалын сайд Б.Бат-Эрдэнэ усны салбарын ажилчин алба хаагчтай уулзжээ.

Б.Бат-Эрдэнэ: Байгаль орчин, усаа хамгаалахын төлөө, салбарын ажилчид та бүхнээс Эх оронч байхыг гуйж байна. Байгаль орчныг хамгаалж, ирээдүй хойч үе, үр хүүхдэдээ үлдээхийн төлөө би хэнтэй ч хамтарч ажиллана, хэнээс ч гуйна.

Уулзалтад: 

• "Цэнгэг усны нөөц, байгаль хамгаалах төв", "Монгол Ус" ТӨХК, "Туул голын сав газар"-ын нийт 80 гаруй алба хаагч оролцож, байгаль, ус хамгаалах чиглэлд тулгамдсан асуудлуудын талаар санал солилцлоо.
• Учир нь 2030 он буюу 8 жилийн дараа гэхэд Монгол улсад усаар аюулын харанга дэлдэхэд хүрээд байна. Өөрөөр хэлбэл цөлжилт эрчимтэй явагдаж, өнөөдөр нийт газар нутгийн 76.9% цөлжилтөд нэрвэгдээд байна. Иймээс Монгол Улсын Ерөнхийлөгч Ухнаагийн Хүрэлсүх "Тэрбум мод" үндэсний хөдөлгөөнийг санаачлан эхлүүлээд байна.
• Түүнчлэн хууль зөрчсөн асуудалд салбарын сайдын хувьд хуулийн дагуу хатуу хандана. Бүх хуулийн хяналтыг салбарт тавих болно.
• Мөн усаа хайрлаж хамгаалахыг зорилго, чиглэлээ болгосон санал, санаачилгыг бүрэн дэмжинэ хэмээжээ.