Өнөөдөр 11:00 цагаас Энхтайваны өргөн чөлөөнд авто замын хөдөлгөөнийг 5 минут зогсооно

2019 оны 11 сарын 29

Өнөөдөр 11:00 цагаас Энхтайваны өргөн чөлөөнд авто замын хөдөлгөөнийг таван минут түр зогсоох юм. Учир нь зургаа дахь жилдээ Тээврийн цагдаагийн албанаас зохион байгуулж буй “Хичээх өдөр” арга хэмжээний хүрээнд ийнхүү авто замын хөдөлгөөнийг зогсоож байгаа аж.

Монгол Улсад зам тээврийн ослын улмаас сүүлийн 5 жилд нийтдээ 2700 хүн амь насаа алдаж 27080 хүн эрүүл мэндээрээ хохирсон байна. Иймд зам тээврийн осолд өртөж амь насаа алдсан иргэдийн дурсгалыг хүндэтгэж буй юм. Мөн зам тээврийн ослоос урьдчилан сэргийлэх, иргэдийн замын хөдөлгөөний дүрмийн тухай мэдлэгийг дээшлүүлэхэд уг арга хэмжээний зорилго оршдог. Замын хөдөлгөөнд оролцогчид дүрмээ баримталж хөдөлгөөндөө соёлтой оролцох хэрэгтэйг Тээврийн цагдаагийн албанаас санууллаа.

 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.