Усанд автаж сураггүй болсон 7 нууцлаг хот

2020 оны 07 сарын 03

Нэгэн цагт хүн төрөлхтний шинжлэх ухааны аугаа ололт амжилтын үр дүнд баригдсан Атлантис хот живж, далайн ёроолд орших болсон талаар үлгэр домог бишгүй л сонссон байх. ЗХУ-ын усан цахилгаан барих ажлын дүнд олон хот усанд автаж, үерт нэрвэгджээ. ЗӨВ.МН газрын зургаас арчигдсан хэдий ч нэгэн цагт оршин сууж асан иргэдийн сэтгэлд мөнх хадгалагдаж үлдсэн үзэсгэлэнт хотуудыг танилцуулж байна.

 

МОЛОГА

Оросын хамгийн алдартай усанд автсан хот. Уг хотод өмнө нь хэд хэдэн сүм, 1000 гаруй модон байшин, зуу зуун чулуун байшингууд байв. Социализмын үед Мологад ойролцоогоор 6000 орчим иргэн аж төрдөг байжээ. 

1940 он гэхэд уг хот усанд живсэн байлаа. Вольга голоос ус татаж Рибинскийн усан цахилгаан станц барих үест Мологад Рибинскийн усан хүлээн авагчийг барьсан нь ийнхүү хотыг живэхэд хүргэжээ. Хотын оршин суугчид тал тал тийшээ тарж, дүрвэн одсон байна.

 

ВЕСЬЕГОНСК

Нэгэн цагт худалдааны төв цэг байсан уг хот ч мөн Рибинскийн усан цахилгаан станцыг барих явцад живсэн. Загас, давс, үслэг эдлэл зэрэг олон бүтээгдэхүүн худалдан борлуулдаг байжээ. 1930 онд Весьегонскд 4000 орчим хүн амьдарч байв. 1939 онд хот живэхэд маш бага талбай усанд эзлэгдээгүй өнгөрсөн бөгөөд одоо уг хотод хэдэн үйлдвэр, 2 музей, 3 сүм байдаг гэнэ.

 

КАЛЬЯЗИН

1775 оноос эхлэлтэй уг хот Углихийн цахилгаан станц барихад живж алга болжээ. Гэсэн ч усан дундаас торойж харагдаж бахдам өндөр сүм нь жуулчдын хөлд ихээхэн дарагддаг гэсэн шүү.

 

ПУЧЕЖ

Пучеж хот одоо ч оршсоор, гэсэн хэдий ч түүхэн дурсгалт газрууд нь Горькийн цахилгаан станц барих үест живсэн байна. 1955-1957 онд Пучеж хотыг арай өндөрлөг газар уруу нүүлгэх шийдвэр гарсан байна. Одоогийн Пучеж хот орчин үеийн хэв маягтай болсон бөгөөд хуучнаас үлдсэн хэдэн модон байшингуудын олж харах боломжтой. 2014 оны байдлаар Пучежд 7000 гаран иргэн оршин сууж байсан байна. 

СТАВРОПОЛЬ

12000 оршин суугчтай байсан уг хот 1950 оноос эхлэн усанд алгуурхнаар живэх болжээ. Хотын захиргаа Ставрополийг өндөрлөг газар уруу нүүлгэе хэмээн шийдэж Тольятти хотруу нүүлгэжээ. 

 

КУЙБЫШЕВ

Спаск Татаруудын нутаг болсон уг хот 1781 оноос эхтэй. Олон зууны туршид худалдаа арилжааны төв цэг байсаар ирсэн уг хотод 1856 он гэхэд 246 байшин, 1 сүм, 5 дэлгүүр байсан бөгөөд 5300 хүн оршин суудаг байжээ. 

1957 онд Куйбышевын усан цахилгаан станц барих ажил эхлэж, хот ч төд удалгүй усанд автав. 

 

КОРЧЕВА

Атлантисын түүхийг давтсан өөр нэгэн хот бол Корчева юм. Москва-Вольгагийн сувгийн барилгын ажлын үеэр нэгэн цагт 3000 0ршин суугчтай байсан Корчева ор мөргүй ''алга болов''.

1937 онд хотыг Конаковоруу нүүлгэсэн байна. Корчевагаас одоо зөвхөн оршуулгын газар ба худалдаачин Рождественскийн байшин 2 л үлджээ. 

 

Эх сурвалж: ЗӨВ.МН

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.