Ганнамд 3 орон сууцтай Монголын сайдын талаар Солонгосчуудад "дотроосоо матсан уу"?

2020 оны 07 сарын 27

2012 онд PSY-ийн ''Gangnam Style'' дуу гарч, дэлхий нийтийг байлдан дагуулж анхны тэрбум давсан үзэлттэй Солонгос уран бүтээл болсон цагаас эхлэн Ганнам дүүрэг олны анхааралд өртөх болсон.Ганнам дүүрэгт байр түрээслэхийн тулд түрээсийн төлбөрөөс гадна барьцааны мөнгө төлөх ёстой бөгөөд энэ нь дундаж орлоготой Солонгос иргэний 10 жилийн цалинтай дүйцэхүйц байдаг. 

Солонгос баячуудын нэр төрийн илэрхийлэл, хөрөнгө чинээний хэмжээг харуулдаг Ганнамын үл хөдлөх хөрөнгийг дэлхийн баячууд сонирхох болж, Ганнамд байрны эрэлт ихэссэн байна. Монголчууд ч бас юугаараа дутах вэ. Оффшор данс гэдэг шиг оффшор үл хөдлөх хөрөнгө хураах тэдний шинэ ''хобби'' болсон мэт.

Энэ талаар Солонгосын хэвлэлүүдэд ''Монголын талаас нэрээ нууцалсан албаны эх сурвалжийн мэдээлснээр Монголын нэгэн нэр бүхий сайд Ганнам дүүрэгт 3-ын 3 байр эзэмшдэг'' гэжээ. Уг мэдээллийг Солонгосчуудад Монголын засгийн газарт зүтгэдэг хэн нэгэн хуваалцсан байх магадлалтай байна.
Өөрийн хөдөлмөрөөр олсон мөнгөөр луувангаа иднэ үү, лаагаа иднэ үү, хэнд ч хамаагүй. Гэсэн ч яг ариун цагаан хөдөлмөрөөр олсон мөнгөөр авсан байр эсэх нь эргэлзээтэй. Сайд гэдэг том албан тушаал. ХОМ-тээ тусгасан эсэх нь тодорхойгүй сайдыг хэн гэдэг одоогоор нууц байна.

Эх сурвалж: https://www.hankyung.com/ 
Орчуулсан: ЗӨВ.МН

 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.