Ж.Бат-Эрдэнэ: Малчдаа дэмжих гэхээр эсэргүүцдэг хүмүүс өнөөдөр таван боодол өвс бариад малчиддаа хайр зарлаад гүйж байх шиг


УИХ-ын гишүүн Ж.Бат-Эрдэнэ, цас зуд өвөлжилттэй холбоотой асуудлаар байр сууриа илэрхийлжээ. 

Тэрээр энэ талаар “Машин угаалгах зуур бодсоноо тэрлэлээ. Үнэхээр энэ өвөл, хавар хүндхэн болж байна. Гэхдээ Монгол нутагт болдог л өвөл хавар шүү. Гэнэтийн мэт сандралдах юун. Энэ удаад би жаахан хатуухан хандаж байгаа. Мал аж ахуйдаа шинэчлэл хийх, малчдаа дэмжих, хагас суурин маллагаатай болгох гээд Шинэ хөдөө хөтөлбөр энэ тэр гээд зөндөө санал санаачлага  гарган ажиллаж байгаа. Үүнийг ойлгож дэмжсэн нь хэд вэ. 

Малчдаа дэмжих гэхээр хэдэн малчдаа давраалаа. Мал гэдэг малчны хувийн өмч.  Зах зээл өөрөө бүхнийг зохицуулна гэдэг хүмүүс өнөөдөр таван боодол өвс бариад малчиддаа хайр зарлаад гүйж байх шиг. 

Зуд дахиад ч болно. Тэр бүрт бид гүйж очсоор л байх уу. Мал аж ахуйг шинэчлэх гэхээр малын ээмэг ярьдаг сайд, яамтай улс шүү дээ бид чинь.  Аль болгон нэг зуднаар хамгаа бардаг МАА-тай байх вээ. МАА-гаа шинэчлэх, малчдаа дэмжих цаг нь болсон. Хэдэн малчдын асуудал яриад байгаа зүйл огтхон ч биш. Үүний цаана хүнсний хангамж, хүнсний аюулгүй байдал, мал аж ахуй гэсэн ЭЗ-н томоохон салбарын асуудал яригдана. 

Сайн хөгжүүлж шинэчилж чадвал дэлхийн зах зээлд тоглогч ч болох боломжтой. Томоор харж хөгжилтэйгээ хөл нийлүүлж шинэчлэх цаг нь болсон бус уу. Нүүдлийн мал аж ахуй л гэнэ. Нүүдлийн соёл иргэншил л гэнэ. Мал дагаж нүүж амьдрах нь чухал уу. Нүүдлийнх гээд задгай малтайгаа цас шуурганд уруудаад амь насаараа дэнчин тавьж эрсдэж амьдрах нь чухал уу. Эсвэл малаа эргэлтэд оруулж ашиг олж амьдрах нь чухал уу. Малынхаа өвчнөөс салж, мал махаа экспортод гаргаж малчдаа хөл дээр нь босговол хэдэн малчид маань төрөөс харалгүй өөрсдөө хэдэн хашаа саравчаа барьчих байх аа” гэсэн байна.



Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 202.9.47.21
    2024/02/20

    Мэдээжээр хүний ёс бие бялдараар доромжлоод байж яасанч таарахгүй заясан мах бодио огтолж уртасгах богинисгох аргагүй .Ц.Элбэгдоржгэж хүнийг хүзүүгүй гэж байнга уншидаг. Ингэж хэлж байгаа хүнийг сонжвол олигтой хүнээс илүү юм түүнд бий болвуу .энэ эрүүл ухаантай гэхэд хэцүү энд дор хаяж торгууль тавь..

    Хариулах
  • 103.212.118.214
    2024/02/20

    Сонгууль

    Хариулах
  • 202.9.47.21
    2024/02/20

    Хариулах
  • 66.181.182.78
    2024/02/20

    boovon sahal

    Хариулах