12 настай охины амь насыг нь хөнөөсөн Г.Гантулгыг гэм буруутайд тооцож БҮХ НАСААР нь ХОРИХ ЯЛ оноолоо

Анхан шатны шүүхээс дөнгөж сая 12 настай охиныг хулгайлж, амь насыг нь хөнөөсөн Г.Гантулгыг гэм буруутайд тооцож бүх насаар нь хорих ял оноолоо.

Хэргийг сануулбал, 2023 оны аравдугаар сарын 3-ны өдөр Дорноговь аймгийн Сайншанд сумаас бага насны хүүхдийг такси үйлчилгээнд явж байгаа мэтээр хууран мэхэлж машиндаа суулган хүчээр авч явж хүчиндэн, улмаар гэмт хэргээ нуун далдлах зорилгоор амь насыг нь хохироосон Г.Г-д холбогдох хэргийг энэ оны хоёрдугаар сард яллах дүгнэлт үйлдэн Дорноговь аймаг дахь сум дундын эрүүгийн хэргийн анхан шатны шүүхэд шилжүүлсэн.

Ийнхүү өнөөдөр Дорноговь аймаг дахь сум дундын эрүүгийн хэргийн анхан шатны шүүхэд шүүх хурал болж, ялыг оноолоо.

Прокуророос Г.Г-д холбогдох хэргийг Эрүүгийн хуулийн

• 13.2 дугаар зүйлийн 2.1 /Хүн хулгайлах/,
• 12.1 дүгээр зүйлийн 4 /Хүчиндэх/,
• 10.1 дүгээр зүйлийн 2.1, 2.4, 2.7 /Хүнийг алах/-д зааснаар яллах дүгнэлт үйлдсэн байдаг.