Хүй долоон худгийг чиглэсэн замын хөдөлгөөний талаар ТЦА-наас мэдээлэл хүргэлээ. ТЦА "Өнөөдөр соёолон насны морь уралдана. Тиймээс иргэдийн хөдөлгөөн их байна. Үүнтэй холбогдуулаан замын хөдөлгөөний эгнээг түр хугацаагаар өөрчилсөн. Улаанбаатар хотоос Хүй долоон худаг руу орох хэсгийг гурван эгнээ, Улаанбаатар хот руу явах хэсгийг нэг эгнээ болгосон. Хүй долоон худгийн зөвшөөрөл дүүрсэн. Нэмэлтээр хийсэн шороон талбайд наадам үзэж байгаа иргэдийн автомашиныг байршуулан ажиллаж байна. Хүй долоон худаг руу ордог замыг нэг чигийн урсгалд оруулсан. Соёологийн уралдаан дууссаны дараа, үзэгчдийн Хүй долоон худгаас гарах урсгал нэмэгдэх үеэр Улаанбаатар хот руу орох урсгалыг гурван эгнээ болгож өөрчилнө" гэв.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна