0-8 сартай хүүхдийг улаанбурхан өвчнөөс хэрхэн хамгаалах вэ?

Вакцинд хамрагдах нас нь болоогүй буюу 0-8 сартай хүүхдийг улаанбурхан өвчнөөс хэрхэн хамгаалах вэ?

Улаанбурханы эсрэг вакцинжуулалтыг хүүхдэд 9 сартайгаас эхэлж хийдэг бол хоёр дахь вакциныг 2 настайд хийнэ.

Хэрэв хүүхдийн эх улаанбурхан өвчнөөр өвчилсөн, эсвэл вакцин хийлгэсэн бол түүний биед улаанбурханы эсрэг эсрэг биетүүд байгаа ба үүнийг хүүхэд эхийн сүүгээр дамжин хүлээн авдаг. Энэ дархлаа нь эхний 6 сард хүүхдийг хамгаалах дархлаа болдог аж. Тиймээс хүүхдээ ойр ойрхон сайн хөхүүлэх нь чухал гэдгийг эмнэлгийн байгууллагаас зөвлөв.

Харин эх нь улаанбурхан өвчнөөр өвдөөгүй, вакцин хийлгээгүй бол хүүхэд хамгаалалт авахгүй. Тиймээс хүүхэд асрах нь маш чухал аж. Иймд, 

• Хүүхэдтэйгээ гэртээ байх,
• Нэмэлт харилцаа холбоог хязгаарлах,
• Хүн ихтэй газар явахаас зайлсхийх,
• Цэвэр агаарт агаарлах,
• Өрөө, тасалгааны агаарыг 2 цаг тутамд сэлгэх,
• Гэртээ чийгтэй цэвэрлэгээ тогтмол хийх,
• Гараа савандаж, сайтар угааж байхыг зөвлөжээ.

Хэрэв эцэг эх, хамт амьдарч буй гэр бүлийн хүмүүс улаанбурхан өвчнөөр өмнө өвдөж байгаагүй, вакцинжуулалтад хамрагдаагүй бол харъяа эрүүл мэндийн байгууллагад очиж вакцинд хамрагдахыг ХӨСҮТ-өөс зөвлөв