Монгол Улсын Ерөнхий сайд Л.Оюун-Эрдэнийн тэргүүлэх Засгийн газарт Батлан хамгаалахын сайдаар УИХ-ын гишүүн С.Бямбацогт ажиллахаар болж, өнөөдөр Засгийн газрын гишүүний тангаргаа өргөж, захирамжаа гардан авсан билээ.
Үүний дараа тэрээр Батлан хамгаалах яаманд хүрэлцэн ирж, төрийн тамгаа гардан авч үүрэгт ажлаа хүлээн авсан юм. Төрийн тамгыг Батлан хамгаалахын өмнөх сайд дэслэгч генерал Г.Сайханбаяр гардуулан өгөв.
Тус үйл ажиллагаанд Монгол Улсын Шадар сайд С.Амарсайхан оролцож, өнгөрсөн жилүүдэд тус салбарыг амжилттай удирдан ажилласан дэслэгч генерал Г.Сайханбаярт талархал илэрхийлсний зэрэгцээ шинээр томилогдоод буй Батлан хамгаалахын сайд С.Бямбацогт болон батлан хамгаалах салбарын бие бүрэлдэхүүнд ажлын өндөр амжилтыг хүсэн ерөөв.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна