Сэлбэ дэд төвийн 10,063 орон сууцны барилгын бүтээн байгуулалт өнөөдөр эхэлнэ

Чингэлтэй, Сүхбаатар дүүргийн 158 га, 2,206 нэгж талбайд байгуулагдах  анхны жишиг “20 минутын хот”-ын орон сууцны барилгуудын бүтээн байгуулалт өнөөдөр эхэлнэ.  

 Эхний ээлжийн хоёр багц тендерийн гүйцэтгэгч шалгарчээ. Эдгээр компаниуд 10063 айлын 113 блок барилгыг барьж, ашиглалтад өгөх юм.

Газар зүйн байршлаар нь хэлбэл, 6 буудал, Оргил худалдааны төв орчмын 25.6 га талбайд 4400 орчим айлын орон сууц барина. Мөн 158 га талбайд нийгмийн хангамж болон инженерийн дэд бүтцийн бүтээн байгуулалтын ажил үргэлжилж байна. Тухайлбал, 

• 6.7 км авто зам, 
• Цахилгаан холбооны 5.3 км шугам, 
• Дулаан хангамжийн 9.7 км шугам, 
• Ус хангамж, ариутгах татуургын 19.7 км шугам, 
• 2.4 км үерийн усны хамгаалалтын далан суваг, 
• 1000 метр куб усан сан, 
• Гурван гүүр, 
• Дулааны станц, 
• Мэдээлэл холбооны төв, 
• Бизнес, инкубатор сургалтын төв, дэд станц зэргийг байгуулж, 
• 150, 240 хүүхдийн хоёр цэцэрлэг зэргийг ашиглалтад орууллаа хэмээн НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС мэдээлэв.