“Нэткапитал санхүүгийн групп” 33-р зуны олимпын наадам “Paris Olympics 2024”, “Евро-2024” мөн “Paralympic-2024” тэмцээнийг албан ёсны эрхтэйгээр шууд дамжуулах Central телевизтэй ерөнхий ивээн тэтгэгчээр хамтран ажиллах санамж бичиг байгууллаа.
Олимп бол дэлхийн өнцөг булан бүрээс шилдэг тамирчид оролцдог дэлхийн хүн төрөлхтний эв найрамдлын хамгийн том баяр, хамгийн том спортын наадам билээ. Энэхүү арга хэмжээ нь тамирчдын хувьд замналынх нь хамгийн оргил үе байдаг ба тэдгээр тамирчдын амжилт, алдар цуу нь улс орнуудын хувьд хөгжил дэвшил, хүчирхэг байдлыг илтгэх онцгой чухал үйл явдал юм.
Нэткапитал санхүүгийн групп нь 2008 оноос хойш тасралтагүй, тогтвортой үйл ажиллагаагаа амжилттай явуулан, Монголдоо төдийгүй гадаадад олон улсын стандартад нийцсэн дижитал санхүүгийн бүтээгдэхүүн үйлчилгээг хүргэж, нийгмийн хариуцлагын хүрээнд олон төрлийн үйл ажиллагааг дэмжин нийгэмд эерэг хандлагыг түгээсээр ирсэн билээ. Энэ удаад бид 33-р зуны олимпын наадам “Paris Olympics 2024”, “Евро-2024” мөн “Paralympic-2024” тэмцээнийг албан ёсны эрхтэйгээр шууд дамжуулах Central телевизтэй ерөнхий ивээн тэтгэгчээр хамтран ажиллах санамж бичигт гарын үсэг зурлаа.
Уг санамж бичигт гарын үсэг зурснаар бид олимпийн наадам, спортыг дэмжиж олон нийтэд соёлыг түгээх мөн сурталчилан дэлгэрүүлэх зорилготой юм.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна