Өнөөдөр /IX.09/ эх оронд өрнөх зарим чухал үйл явдлын хураангуйг хүргэж байна.
9:00 цагт: Спортын Анагаах Ухаан, Эрдэм Шинжилгээний Төв, ОХУ-ын Спортын Анагаах Ухаан, Хөгжлийн бэрхшээлтэй иргэдийн нөхөн сэргээх нийгэмлэг хамтран “Спортын анагаах ухааны хөгжлийн чиг хандлага” сургалт, семинарыг Төрийн өмчийн V байр, "Хүүхэд хөгжлийн төв"-д зохион байгуулна. Утас: 11-319888
11:30 цагт: МҮОНР-ийн 90 жилийн ойн хүндэтгэлийн баярын хурал Дуурь бүжгийн эрдмийн театрт эхэлнэ.
15:00 цагт: The Lemons хамтлагийн “Залуу Ленины ойролцоо 3 давхарт” цомгийн кассет хувилбарт шилжүүлснийг угтсан “Red Party болон Кассетны баяр” тоглолтын хэвлэлийн хурал Үндэсний соёл амралтын хүрээлэнгийн баруун урд байрлах Cafe Park-д болно. Утас: 80027839
-“Сэтгэлийн хат–өөрчлөлтөд хөтөлсөн эмэгтэйчүүдийн түүх” гэрэл зургийн үзэсгэлэн энэ сарын 18, “Дэлхийн эмэгтэйчүүдийн чуулга уулзалт”-ын хүрээнд зохион байгуулж буй “Манлайллын 17 төрх” гэрэл зургийн үзэсгэлэн есдүгээр сарын 22 хүртэл "Чингис хаан" Үндэсний музейд үргэлжилнэ.
-Халх голын ялалтын 85 жилийн ойд зориулсан “Халх гол-85 жил” үзэсгэлэн "Чингис хаан" Үндэсний музейд энэ сарын 16 хүртэл үргэлжилнэ.
"Цайны их зам" үзэсгэлэн Монголын Үндэсний музейд 10 дугаар сарын 3 хүртэл үргэлжилнэ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна