Екатерина онлайн дэлгүүр шинэ жилээ хийж, гурван ажилтнаа автомашинаар шагнажээ. Тус дэлгүүрийн хамт олны шинэ жилийг хөтөлсөн жүжигчин У.Цогтбаяр өөрийн цахим хуудсандаа энэ талаар бичсэн байна.
Тэрбээр "Екатерина онлайн шопын шинэ жилийг хөтөллөө. Хоёр салбартай 40 гаруй ажилтантай юм байна. Зоригоо, Катъя хоёр захирал нь түрүүлж ирээд ажилчидаа хүлээх аж.
Өргөмжлөл, цом угаас улиг уйдчиж, үүний оронд амьдралд ойр зүйлээр ажилчидаа шагнаасай гэж боддог надад энэ компани олны жишгээрээ л явах байх гэсэн. Тэгсэн үгүй юмаа.
Шилдэг, шилдгийн шилдэг гэхээр зүрх сэтгэл бүх залуу насаа компанидаа өгчихсөн, ахимаг насны хүмүүс л энд тэндгүй байдаг хэвлэмэл, тэмдгээр шагнагдаж байдаг. Харин энэ удаа 20 гаруй насны хоёр залуу, нэг охинд гурван авто машин бэлэглэлээ. Бас хэдэн ч залуусыг сая төгрөгөөр шагначив. Лав тоогоо алдсан.
Шагнагдсан залуус нулимстай, шагнаж байгаа захирлууд нь бас нулимстай, хамгийн хайнга хойрго ажилтнаа хүртэл халъя гэж хэзээ ч бодож байгаагүй шүү гэж байна. Шагнагдсан залуучууд юу ч яриагүй энэ их итгэлийг алдахгүй ээ л гэсэн. Шагнавал, урам хайрлавал хайрласан шиг хайрладаг гэр бүл байна даа гэж бодов. Бас захирал нь Зоригт гээд энэ брогийн хүлээцтэй, үг дуу цөөтэй, хамт олноо хүндлэх, эхнэрийгээ дэмжих гээд эр хүн шиг эр хүн санагдлаа. Бас бусад хэдэн мянган компани аливаа нэгэн байгууллагийн гол цөм нь ажилчид нь байдаг гэдгийг ухаарч, анзаарч, хөдөлмөрийг нь үнэлдэг мөн залуу гэлтгүй хичээж байгаа нэгнийг урамшуулдаг байгаасай" гэжээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.9.46.160
Энэ хятадын эрлийзийг хөөж явуул
Хариулах