Ливи улсын "Улаан хавирган сар нийгэмлэг"- ийн мэдээллээр өнгөрөгч 27-ны өдөр Нийслэл Триполиос зүүн тийш 30 км зайд орших Тажура бүсийн тэнгисийн эргээс 25 цогцос олджээ. Эдгээр цогцос тэнгисийн давалгааны түрэлтээр эрэг дээр гарч ирсэн байна.
Урьдчилсан дүгнэлтээр усан онгоцоор Европ руу явж байсан хууль бусаар хил давагсдын цогцос байсан бөгөөд тэд юунаас болж осолдсон нь одоогоор тодорхойгүй байгаа аж.
Мөн 27-ны өдөр Сабрат хотын ойролцоох тэнгисийн бүсээс хууль бусаар хил давахыг оролдсон 147 цагаачийг аварсан ба тэдний 19 нь эмэгтэйчүүд, 4 нь хүүхэд байжээ. Тэдгээр хүмүүсийн олонх нь залуус байсан ба голцуу Камерун, Судан, Мали, Сенегал зэрэг газраас иржээ. Тэднийг Триполи дэх хууль бусаар цагаачлагсдыг хүлээн авах төвд хүргэсэн бөгөөд нутагт нь буцаахаар болжээ.
Х.Нэргүй
Сэтгэгдэл бичигдээгүй байна