Сэлэнгэ мөрнөөс эмэгтэй хүний цогцос олжээ

2021/06/05

Өнгөрсөн дөрөвдүгээр сарын 21-нд Хөвсгөл аймгийн Тосонцэнгэл сумын Тээл багийн “Тэгш булан” гэдэг газар 10 хүн “Сэлэнгэ мөрөн”-ийг завиар гатлах явцад завь нь хөмөрч 7 хүн голын усанд осолдсон харамсалтай хэрэг гарсан. 

 Эрэн хайх ажиллагааг тухайн өдрөөс хойш өнгөрсөн тавдугаар сарын 02-ны өдрийг хүртэл зохион байгуулж, 4 хүний цогцсыг олсон. Харин 3 хүний цогцос олдоогүй тул эрэн хайх ажиллагааг ар гэрийнхэнтэй нь зөвшилцөж зогсоогоод байсан юм. 

Тэгвэл энэ сарын 03-ны өдрийн 21:40 цагт тус аймгийн Тосонцэнгэл сумын Сэлэнгэ багийн “Эрлийзийн ферм” гэдэг газар “Сэлэнгэ мөрөн”-ний усанд эмэгтэй хүний цогцос байна гэсэн мэдээлэл Онцгой байдлын албанд ирсэн байна. 

Дуудлага мэдээллийг дагуу аймгийн Онцгой байдлын газрын алба хаагчид 06.04-ний өдрийн 76.5 км замыг туулан 11:00 цагт очиход Тосонцэнгэл сумын Сэлэнгэ багийн “Эрлийзийн ферм” гэдэг газар “Сэлэнгэ мөрөн”-ний эрэг дээр осолдсон газраас 43 км-ын зайтай 32 настай эмэгтэй иргэн У-гийн цогцос байсныг гаргаж, 12:10 цагт Цагдаагийн газрын бүрэлдэхүүнд шилжүүлэн өгчээ.



Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.