Монгол Улсын Ерөнхий сайд Л.Оюун-Эрдэнэ, Баянгол дүүргээс сонгогдсон УИХ-ын гишүүд болон Нийслэлийн Засаг дарга бөгөөд Улаанбаатар хотын Захирагч Д.Сумъяабазар нар тус дүүрэгт ажиллалаа.
Энэ үеэр хуучны нийтийн зориулалттай орон сууцны байруудын дулаан алдагдлыг бууруулах төсөл арга хэмжээ, түүний төлөвлөлт, тулгамдаж буй асуудлын талаар Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр танилцууллаа.
Улаанбаатар хотын зургаан дүүрэгт 177,424 өрх орон сууцны хороололд амьдарч байгаагаас 1965-2000 онд баригдсан угсармал орон сууцны 1,077 блокт 47,916 айл буюу 27 хувь нь амьдарч байна. 2019-2020 онд улс, нийслэлийн төсвийн хөрөнгө оруулалт 18.4 тэрбум төгрөгөөр нийт 98 барилгын 178 блокт дулаан техникийн шинэчлэл хийсэн. 2021 оны улсын төсөвт 37 барилга буюу 53 блокт 12.8 тэрбум төгрөгийн хөрөнгө оруулалтаар дулаан техникийн шинэчлэлийг хийж байна. Энэ үеэр Хотын дарга дулааны шугам, сүлжээний 86 хувь нь солих, шинэчлэх, засварлах шаардлагатай байгааг ярьж байлаа. 10-р хорооллын шугам сүлжээ л гэхэд өнгөрсөн өвөл таван удаа хагарсан гэв.
Баянгол дүүргийн иргэдийн 80 хувь нь орон сууцанд амьдардаг. Тус дүүрэгт нийтийн зориулалттай 756 орон сууц байгаагаас 1965-2000 оны хооронд ашиглалтад орсон угсармал 197 барилга буюу 330 блок орон сууц байдаг. 2019-2020 онд дүүргийн 49 барилгын 72 блокт дулаан техникийн шинэчлэл хийжээ. Дулаан техникийн шинэчлэл хэрэгжүүлж, угсармал орон сууцуудыг дулаалснаар дулаан алдагдлыг 30 хувь бууруулж, энэ хэрээр эрчим хүч хэмнэнэ.
Эх сурвалж: НЗДТГ-ЫН ХЭВЛЭЛ МЭДЭЭЛЭЛТЭЙ ХАРИЛЦАХ ХЭЛТЭС
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
122.201.22.246
Oyunerden said Sumyabazar darga naraa 11 r horoolliin 7 giin A bairiig dulaalaad budaad hun amidrahad neg nuur ulaihgui bolgood ogooch !
Хариулах122.201.22.246
11 r horoolliin 7 r bair ashiglaltad orood 30 garui jil boljee neg ch udaa ongo uzemj dulaan aldagdal yarij hiij baisangui zaadas hoorondiin chigjeesees avhuulaad ongo uzemj nur ongorsoon 7 r bairiig SB duurgiin MANaas songogdson gishuud sanaachlagatai baij ene bairiig dulaan ongo uzemjtei bolgood ogooch !!!!!!!!
Хариулах66.181.180.111
Ажил болоосой доо олон жил ярьсаар ардчилсан нам баянгол дүүрэгт ярьсаар л байгаад эрдэнээгийн ээжийн амьлардаг бөйранд л дулаалга хийгээд бусдыг орхисон доо
Хариулах