Хөшигийн хөндийд баригдсан “Чингис хаан” Олон Улсын нисэх буудал долдугаар сарын 4-нд ашиглалтад оруулахаар ажиллаж байна.
Шинэ нисэх буудал нээгдэх өдөр анхны нислэгийг үйлдэхээр төлөвлөсөн бөгөөд морин цагт буюу 11.40 цагт "Улаанбаатар-Токио-Улаанбаатар" чиглэлийн нислэг байх аж.
Энэхүү нисэх буудал ашиглалтад орсноор Буянт Ухаа Олон улсын нисэх буудалд ямар ч нислэг хийгдэхгүй гэнэ. "Чингис хаан ОУНБ ашиглалтад орсноор хөдөлгөөний эрчим нэмэгдэж, ачаа тээврийн эргэлт огцом өснө. Иймд нэгдсэн төлөвлөлтөөр Хөшигийн хөндий орчмыг тээвэр ложистикийн нэгдсэн сүлжээ бүхий Эдийн засгийн хөгжлийн чөлөөт бүс болгон хөгжүүлэх ёстой" гэж үзэж байгаагаа Ерөнхий сайд Л.Оюун-Эрдэнэ өчигдөр ажлын явцтай танилцахдаа онцолсон юм.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна