УИХ-ын чуулганы нэгдсэн хуралдаанаар ХЭҮК-ын даргыг томиллоо. ХЭҮК-ын даргаар тус комиссын гишүүнээр ажиллаж байгаа Д.Сүнжидийг дэвшүүлж, УИХ-ын хуралдаанд оролцсон гишүүдийн олонх нь дэмжсэнээр томилов.
Д.Сүнжид нь 2002-2003 онд ШУА-ийн Философи, социологи, хүний эрхийн хүрээлэнгийн Хууль зүйн судалгааны төвийн судлаачаар,
2003-2012 онд Нийслэлийн Өмгөөлөгчдийн зөвлөлийн гишүүн, өмгөөлөгчөөр,
2005-2012 онд “Хөгжлийн төлөө төв” ТББ-ын гүйцэтгэх захирлаар,
2009-2014 онд Хууль зүйн яамны Хяналт-шинжилгээ, үнэлгээ, дотоод аудитын газрын даргаар,
2014-2015 онд Хууль зүйн яамны Төрийн захиргааны удирдлагын газрын даргаар, 2015-2017 онд ЕТГ, ШХА-ын хамтарсан “Иргэдийн оролцоо” төслийн зохицуулагчаар,
1998 оноос одоог хүртэл Удирдлагын академийн эрх зүйн тэнхимийн багш, ахлах багш, дэд профессор,
2017 оноос ХЗДХЯ, ШХА-ын хамтарсан “Иргэдийн оролцоо II” төслийн зохицуулагчаар тус тус ажиллаж байгаад 2020 оноос Хүний эрхийн Үндэсний Комиссын гишүүнээр сонгогдсон юм.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.184.12
Нэг хүний эрх нөгөө хүний, хүмүүсийн эрхээр хязгаарлагддаг гэдгийг хэзээ ч бүү март бас хийсэн хэрэгтэй, авсан авилгатай бол шийтгэгддэг байх нь бидний эцсийн хүсэл, давж болохгүй зааг шугамыг тогтоогч шударга ёсны хэмжүүр шүү
Хариулах