Ирэх сарын 1-нээс хариуцлагагүй жолооч нараас торгуулийн мөнгийг нийтэд тустай хөдөлмөр эрхлүүлж гаргуулдаг болно

Ирэх оны нэгдүгээр сарын 1-нээс эхлэн жолооч нарын хариуцлагыг чангатгах зорилготой холбогдох хуулийн заалтууд хүчин төгөлдөр мөрдөгдөнө.  

Тодруулбал,

1. Торгуулиа хуульд заасан 15 хоногийн дотор төлөөгүй бол торгуулийн хэмжээ 50 хүртэл хувиар нэмэгдэнэ.
2. Төлөхгүй бол тээврийн хэрэгслийг хөдөлгөөнд оролцохыг хязгаарлана.
3. Бүр төлөхгүй бол нийтэд тустай ажил хийлгэх замаар төлүүлнэ.

гэдэг механизм “ажиллаж” эхлэх юм байна.

Зарим эх сурвалжийн бичсэнээр, замын хөдөлгөөний дүрэм 50-иас дээш удаа зөрчсөн 3,000 гаруй жолоочийн төлөөгүй торгуулийн хэмжээ 4 тэрбум төгрөгт хүрчээ.