Өчигдөр болсон “Asian Film Awards 2024” наадмаас залуу жүжигчин Б.Тэргэл “Сэр сэр салхи” буюу "City of Wind" уран сайхны киноны гол дүрээрээ “Best new comer” буюу "Шилдэг шинэ залуу жүжигчин" шагнал хүртлээ.
Тус наадамд манай улсаас “Сэр сэр салхи” буюу "City of Wind" уран сайхны киноны ерөнхий найруулагч П.Лхагвадулам “Best new director” төрөлд, гол дүрийн жүжигчин Б.Тэргэл “Best new comer” төрөлд тус, тус анх удаа нэр дэвшсэн юм.
"Сэр, сэр салхи" кино нь 80 дахь удаагийн Венецийн олон улсын кино наадмын “Оризонти” хэсэгт шалгарч, шилдэг эрэгтэй гол дүрийн шагналыг Б.Тэргэл хүртсэн ба мөн 96 дахь удаагийн "Оскар"-ын кино наадамд Монгол Улсыг албан ёсоор төлөөлөн оролцох киногоор нэрлэгдсэн юм.
Мөн 19 дэх удаагийн Осакагийн Азийн олон улсын наадмын шилдэг киноны тэргүүн шагнал буюу "Grand prix" шагналыг "Сэр, сэр салхи" кино хүртжээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна