Олон улсын эмч нарын өдөр өнөөдөр тохиож байна. Энэ өдрийг анх АНУ-д 1990 оны гуравдугаар сарын 30-нд “Үндэсний эмч нарын өдөр" болгон тэмдэглэж байжээ. Үүнээс хойш Дэлхийн эмч нарын холбооноос жил бүрийн гуравдугаар сарын 30-ны өдрийг олон улсын эмч нарын өдөр болгон албан ёсоор тэмдэглэдэг болсон байна.
ҮСХ-ны хамгийн сүүлийн судалгаагаар /2022 оны жилийн эцэс/ манай улсын эрүүл мэндийн салбарт 13 983 их эмч ажиллаж байжээ. Үүнээс докторын зэрэгтэй 18 хувь, магистрын зэрэгтэй 1.6 хувь, ахлах зэрэгтэй 13 хувь, тэргүүлэх зэрэгтэй 9.4 хувь, зөвлөх зэрэгтэй 2.4 хувь байна.
Нийт их эмч нарын 10 761 нь эмэгтэй бол 3 222 нь эрэгтэй байна. Их эмч, мэргэшлийн төрлөөр нь үзэхэд шүдний эмч хамгийн их буюу 1 833 байгаа бол настны эмч хамгийн цөөн буюу 25 байгаа юм.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна