"Чингис хаан" олон улсын үзэсгэлэнг 2026 онд ХБНГУ-ын Симон Галлерейд гаргахаар болжээ.
Чингис хааны Үндэсний музейн захирал, академич С.Чулуун ХБНГУ-д айлчлахдаа дээрх тохироог хийсэн байна. Тэрбээр мөн Хумбольт форумын захирал Кохтой уулзаж, “Дэлхийд тархсан өв цуврал”-д Герман дахь монголын өв каталогийг хэвлэн нийтлүүлэх эрхийг авчээ.
Каталогид Берлиний Үндэсний номын сангийн Азийн тасагт буй Дьезийн XIII зууны монгол зураг, Турфанаас олдсон монгол бичгийн дурсгалууд, XIX зууны Халхын хошуудын зургууд орох бөгөөд энэ онд багтаан эхний боть гаргахаар төлөвлөсөн байна.
Дашрамд, “Чингис хаан” олон улсын үзэсгэлэнг гаргах олон улсын нэр хүндтэй музейнүүдийн захиалга 2027 он хүртэл дүүрчээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна