Сэтгүүлч Н.Өнөрцэцэгт холбогдох хэргийн давж заалдах шатны шүүх хурал 10 цагт эхэллээ.
Нийслэлийн давж заалдах шатны шүүхийн гадаа түүний ар гэрийнхэн болон хэвлэлийнхэн цуглажээ. Энэ үеэр сэтгүүлч Н.Өнөрцэцэгийн эгч Ч.Өнөрбаяр бидэнд мэдээлэл өглөө.
Ч.Өнөрбаяр: 2024 оны долдугаар сарын 18, 19-нд анхан шатны шүүхээс 4,9 жилийн хорих ял авсан. Тэр үед бид гадаа нь гараад ирнэ гэсэн итгэлтэй байсан. Ял авна гэж ерөөсөө бодоогүй. Тэгсэн гэнэтхэн 4,9 жилийн ял авчихсан. Үнэхээр хэцүү хүнд үе байсан.
Одоо энэ хурал бас хамгаалалт ихтэй хаалттай болохоор нь айгаад л байна. Одоо энэ шүүхээс жоохон тааруухан шийдвэр гарах юм бол манай аав л хэцүүдэх байх. Биеийн байдал нь сайнгүй байгаа. Шүүхдээ итгээд горьдлого тээгээд л хүлээж байна даа.
Дүү минь биднийг харангуутаа л ирэх гэж зүтгэсэн. Нөгөө хэдэн цагдаа нар нь цааш нь чирээд аваад орох шиг болсон. Дүүгээ маш их санаж байна." гэв.
Н.Өнөрцэцэгийн дүү: Шүүх хурлыг хаалттай хийхээр болчихлоо. Хаалттайгаар шударгаар зөв шүүгээсэй л гэж бодож байна. Бидний хоёр өдрийн гадаа хоносон суулт бол яах вэ. Маанай эгч өлсгөлөн зарлаад 70 гаран цаг болчихлоо. Өчигдрийн мэдээллээр эгч бөөрний дутагдалтай гэсэн. Үүнд л их санаа зовж байна. Бид нар зүгээр.
Шүүхийн шийдвэр нь зөв гараасай л гэж хүсч байна. Шүүх маань шударга шүүгээд өгөөсэй. Хэлэх үг алга даа. Айдастай байна.
Аавтай утсаар ярьж чадахгүй байна. Ярихаас ч айж байна. Түрүүн ярихад уйлаад орилоод би очмоор байна гэж байсан. Энд ирэхээр бүр хэцүү шүү дээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
139.5.216.160
461д байхад нь прокурорын зөвшөөрөлтэй 7 хоногт 1 уулзуулж л байгааш дээ
Хариулах66.181.161.228
Аав ээж ах дүү эгч нараа зовоосон халуун там юм энэ Өнөрөө хөөрхий аав нь орилоод байна гэжийшт суллаач наадахыгаа эвий минь хөөрхий минь ээж эгч дүү хүүхдээ хараад гүйх гэжийшт уулзуулаач таанууд ямар харгис шүүх гэхээрээ ийм байдаг юм боль хөөш
Хариулах