Нийслэлд 8-50 насны 19 иргэн угаартжээ.Тэдний 8 нь бага насны хүүхдүүд болохыг Нийслэлийн агаар орчны бохирдолтой тэмцэх газраас мэдээллээ.
Тодруулбал, Сонгинохайрхан, Баянзүрх, Хан-Уул, Чингэлтэй дүүргийн нутаг дэвсгэрт угаартсан гэх 4 дуудлага, мэдээлэл цагдаагийн байгууллагад энэ сарын 7-нд бүртгэгдсэн байна.
Иймд иргэдийг галлагаа эхлэхээс өмнө ханан пийшингийн татах сувгийг сайтар цэвэрлэх, зуухны битүүмжлэлийг сайжруулах, үнсний шүүр, зуухны хүхээ зэргийг засаж янзлах, угаарын хий мэдрэгч төхөөрөмж суурилуулж өөрийн болон гэр бүлийнхээ гишүүдийн амь нас, эрүүл мэндэд учрах эрсдэлээс урьдчилан сэргийлэхийг цагдаагийн байгууллагаас сэрэмжлүүллээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна