Ерөнхий аудитор Д.Загджав 31-ний өдөр Төв талбайд шинэ жилийн цэнгүүн зохион байгуулахыг эсэргүүцэв.
НИТХ-ын ээлжит бус хуралдаан өнөөдөр үргэлжилж байна. Тус хуралдаанаар нийслэлийн 2025 оны төсвийн төслийг хэлэлцэж байна. Хуралдааны үеэр Үндэсний аудитын газар болон нийслэл дэх Төрийн аудитын газраас дүгнэлтээ танилцуулав.
Тус газраас үр ашиггүй зардлуудыг танаж, төсвийн орлогыг нэмэгдүүлэх нь зүйтэй гэдэг дүгнэлт танилцууллаа. Тухайлбал, 2024 оны 12-р сарын 31-ний өдөр Төв талбайд зохион байгуулах шинэ жилийн цэнгүүнд зарцуулах 400 сая төгрөгийг хэмнэх нь зүйтэй гэв.
Нийслэл дэх Төрийн аудитын газрын дэд дарга Ч.Болд “Талбай дээр жил бүр зохион байгуулдаг шинэ жилийн цэнгүүнд зарцуулагддаг 400 сая төгрөг бол үр ашиггүй зарцуулалт. Тиймээс хэмнэх боломжтой гэж үзлээ” гэв.
Хэрэв НИТХ тус дүгнэлтийг хүлээж авбал өнөө жилээс эхлэн Д.Сүхбаатарын нэрэмжит талбайд баярын салют буудаж, шинэ жилийн цэнгүүн болохгүй юм.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
103.168.34.130
undesnii mungun temdegt ulaan chuluutiin hog shig l bolj bn uu ?
Хариулах