Дундговь аймгийн Засаг даргын 2024-2028 оны үйл ажиллагааны хөтөлбөрийг хэрэгжүүлэх, хүний хөгжлийг дэмжих зорилгоор “Оюунлаг Дундговь”, “Хүний нөөцийг дэмжих” аймгийн дэд хөтөлбөрүүдийг иргэдийн Төлөөлөгчдийн Хурлаар хэлэлцүүлэн батлуулсан.
Тус хөтөлбөрүүдийн хүрээнд иргэдийн хандлага, манлайлал, ур чадварыг дээшлүүлэх, хувь хүний хөгжлийг дэмжих зорилгоор төрийн албан хаагчид, аж ахуй нэгж, хувийн хэвшлийн төлөөлөл, иргэд болон ерөнхий боловсролын сургуулийн сурагчдыг хамруулан “Оюунлаг Дундговь-Хүний хөгжил” сэдэвт сургалтыг Төв халхын дуулалт жүжгийн театрт 3 ээлжээр зохион байгуулж, нийт 700 орчим албан хаагч, сурагчид хамрагдлаа.
Сургалтын зочин илтгэгчээр Эртэч Монгол хөтөлбөрийн санаачлагч Н.Энхбаатар, сургагч багш Б.Төмөр-Очир, “Хариуцлагатай гэр бүл”, “Ирээдүйн эзэд” төслийн санаачлагч Т.Буяндэлгэр, “Американо”-ын үүсгэн байгуулагч И.Анар нар оролцож, “Харилцааны 5-зарчим”, “Аз жаргал гэж юу вэ?”, “Эерэг хандлага”, “Англи хэл ба тэтгэлэг” сэдэвт сургалтаас гадна сурагчдад “Мэргэжлийн сургуулиудын танилцуулга” мэдээллийг өгсөн юм.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна