Архангай аймгийн Засаг даргын 2024-2028 оны үйл ажиллагааны хөтөлбөрийн “Багшийн хөгжил хөтөлбөрийг үргэлжлүүлнэ” зорилтын хүрээнд аймгийн ЕБС-ийн багш нарын мэргэжил, ур чадварыг сайжруулах сургалт судлагдахуун бүрээр зохион байгуулагдаж байна.
Түүх, нийгмийн ухааны багш нарын мэргэжил, ур чадварыг дээшлүүлэх сургалт сурагчдын амралтаар буюу энэ сарын 10, 11-ний өдрүүдэд болж байна. Тус сургалтад Архангай аймгийн ЕБС-ийн 76-н гаруй түүх, нийгмийн ухааны багш хамрагдаж байна.
Сургалтыг Засгийн газрын хэрэгжүүлэгч агентлаг Боловсролын ерөнхий газрын ахлах мэргэжилтэн Ч.Гажиддулам удирдан явуулж, хиймэл оюун ухаан /AI/ ашиглан интерактив сургалтын хэрэглэгдэхүүн боловсруулах чадвар эзэмшүүлэх, хосолсон сургалтын арга зүй буюу танхимын сургалтаас гадна Уйгарын хар балгас- Хаадын овоо-Эрдэнэ зуу- Хөшөө цайдам гэсэн маршрутаар түүх дурсгалын газруудтай танилцах үйл ажиллагааг явуулах юм.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна