MNBA Үндэсний Лигийн хоёрдугаар тойрог өнгөрсөн долоо хоногт эхэлсэн бол Ховд Шонхрууд болон Баянхонгор Мазаалай гэсэн багууд хоёрдугаар тойргийн эхний тоглолтоо хийлээ.
Тоглолтын эхнээс хоёр багийн тоглолт тэнцүүхэн эхэлж, тоглолтын 4-р үе хүртэл тоглолт тун сонирхолтой болсон юм. Улмаар тоглолтын 4-р үед Ховд Шонхрууд багаас Э. Дөлгөөн М. Даваадорж нар сайн тоглолтоо үзүүлж тэргүүллийг аваад байх үед спортын мастер Г.Цэнгүүнбаяр хоёр дараалсан холын зайн шидэлтийг амжилттай болгосноор Шонхорууд хоёрдугаар тойргийн эхний тоглолтдоо ялалт байгууллаа.
Энэ өдөр Г.Цэнгүүнбаяр багаа оноо авалтаар тэргүүлж 21 оноо, 10 самбараас бөмбөг авалт гүйцэтгэсэн бол багийн ахлагч Э. Дөлгөөн 18 оноо, 13 самбараас бөмбөг авалт, багийн холбон тоглогч М. Даваадорж 17 оноо, 9 ашигтай дамжуулалт, Б.Баярсүрэн 13 оноо, Э. Дорж-Арилд 11 оноо тус тус авж багтаа тус хүргэсэн нь хожил байгуулахад хангалттай байлаа.
Харин Баянхонгор Мазаалай багаас Б.Билгүүн сайн тоглолтоо үзүүлж 23 оноо, 9 самбараас бөмбөг авалтаар багаа тэргүүлсэн бол Э.Ариунболд 17 оноо, С. Золжаргал 13 оноо, Н. Мөнхчөдөр 10 оноо, 10 самбараас бөмбөг авалт тус тус гүйцэтгэсэн ч хожил байгуулахад хангалтгүй байлаа.
Сэтгэгдэл бичигдээгүй байна