Одонтой ээжүүдийн 50 мянган төгрөгийг нэмэхийг шаардаж аавуудын төлөөлөл мэдээлэл хийлээ.
"Одонтой ээжүүдийн мөнгө халамж биш. Цалинтай ээж гэх 50 мянган төгрөгийг Засгийн газар нэр төдий л өгч ирсэн. Энэ мөнгө амьдралд нь ердөө хүрэлцэхгүй байна.
Гэр бүл эдийн засгийн чадамжаасаа хамаарч хүүхэд гаргадаг болсон, одоо бол төрөлт эрс буурсан. Нөгөөтэйгүүр нийслэлд автобусны жолооч олдохгүй байна гээд сарын цалинг нь 3.5 сая төгрөг болгож нэмэгдүүлсэн. Тиймээс ээжүүдийн мөнгийг нэмэх хэрэгтэй.
Нэг өрх толгойлсон эмэгтэй одонгийнхоо мөнгөөр нь л амьдарч, амжиргаагаа залгуулж байна. Сонгуулиар иргэдийн саналыг татахын тулд цалинтай ээж, одонтой ээжийн мөнгийг нэмнэ гэж худал хэлсэн. Тиймээс бид үргэлж шаардана. Засгийн газар хөхүүл ээжүүдээ анхааралдаа аваач ээ. Мөнгийг нь нэмэх шаардлагатай" гэлээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна