Монголын Морин спорт, уяачдын холбоо (ММСУХ)-ны VIII их хурал болж, олонхийн саналаар Д.Дагвадорж шинэ ерөнхийлөгчөөр сонгогдлоо.
Энэ удаагийн их хуралд Д.Дагвадорж, Б.Нямжав нар нэр дэвшиж, 550 төлөөлөгчөөс 485 төлөөлөгч нь санал хураалтад оролцож, Д.Дагвадорж хамгийн олон буюу 318 төлөөлөгчийн санал авсан байна.
Харин Б.Нямжав 167 төлөөлөгчийн санал авчээ.
Дашзэгвийн Дагвадоржийн хувьд 1957 оны нэгдүгээр сарын 11-нд Завхан аймгийн Яруу суманд төрсөн. Завхан аймгийн харъяат. Монгол Улсын тод манлай уяач цолтой.
Энэ удаагийн хурлаар өнөөгийн морин уралдааны дүрэм журмын өөрчлөлт, хэрэгжилтийг хэлэлцсэнээрээ онцлог байв.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна