Монгол улсын гавъяат тамирчин, мэргэжлийн боксчин WBA холбооны хойд Америкийн аваргын бүс эзэмшигч Э.Цэндбаатар ирэх хоёрдугаар сарын 15-ны өдөр АСА Аренад Аваргын бүс хамгаалах тулаанаа хийх гэж байгаа билээ.
Тэрбээр тоглолтынхоо талаарх дэлгэрэнгүй мэдээллийг өгөхөөр өнөөдөр 12.00 цагт "Зууны мэдээ" мэдээллийн төвд хэвлэлийн хурал зарлалаа.
Тэрбээр хурлын үеэр “Миний Улаанбаатарт хийх тоглолтод WBA холбооны ерөнхийлөгч өөрөө ирнэ. МУГТ Н.Төгсцогт тэргүүтэй Монголын шилдэг зургаан тамирчин миний тулааны өмнөх тоглолтуудад өрсөлдөнө. Зурагтаар л үздэг байсан Майк Тайсоны тулаан шиг өндөр зэрэглэлийн тулааны шоуг монголчууддаа үзүүлье гэж хичээж байна” хэмээн мэдэгдсэн.
Өрсөлдөгчийн тухайд Э.Цэндбаатарын дээд жин болох 61.2 кг-ын жинд бүс эзэмшдэг гурван тамирчин санал ирүүлээд байгаа юм байна.
Тодруулбал, 12 тулалдаж 12 ялсан Жошуа Орта, 19 тулалдаж 19 ялсан Жозе Магильяс Диас, 23 тулалдаж, 21 ялж, нэг тэнцэж, нэг ялагдсан Рудольфо Саласар гэсэн гурван тамирчин тулалдах хүслээ илэрхийлжээ.
Мөн тулаанд МУГТ Н.Төгсцогтыг оролцуулахаар хүсэлт тавьж, зөвшөөрсөн хариу авсан гэдгээ Э.Цэндбаатар илэрхийлсэн байна.
Э.Цэндбаатарын тулааны өмнө тулалдах Монгол vs Гадаад боксчдын тулаанд өрсөлдөх тамирчид
Боксын спортын ОУХМ Э.Баясайхан БНХАУ-ын Жианг Шентэй зургаан үе тулалдана.
Сонирхогчдын боксын Универсиад наадам, Ази тивийн аварга ОУХМ Х.Энх-Амар БНСУ-ын Хонг Жон Хунтай
ОУХМ Х.Бекнур Киргизстаны Токтосун Уулутай,
ОУХМ Б.Төгөлдөр Казахстаны Байзохан Бекмуразовтой,
ОУХМ О.Бямба-Эрдэнэ АНУ-ын тамирчинтай /Нэр тодорхой болоогүй/
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
122.201.31.248
Цэндбаатараа гагнуур авах газраараа ханзраарай сүржигнэж сүржигнэж эх орондоо тэнгэр харж болохгүй би чамд хэлээд байгаа шүү эхний үе дээр л нам цохь гэж ...солгой гараараа хуураад баруун гарын шулуун цохилтоор эрүүн доороос нь өлгөөд хүчтэй цохь манарангуут нь гурвых нь дунд богино цохилт хийхэд наадах чинь нам шүү дээ.
Хариулах