ТАНИЛЦ: Өнөөдөр болох үйл явдлууд

Өнөөдөр /IV.28/ эх оронд болон хилийн чанадад болж буй зарим үйл явдлын хураангуйг хүргэж байна.

10:00 цагт: “Улаанбаатар хотын байгалийн нөөцийн тогтвортой хэрэглээг хангах 3r дадал буюу 3r4ub” төслийг СХД-ийн ерөнхий боловсролын 15 нь сургууль дээр хэрэгжүүлсэн “Хог хаягдлын олимп, боловсролын хөтөлбөр”-ийн үр дүнг хэлэлцэх уулзалт дүүргийн Хүүхэд залуучуудын театрт болно. Холбогдох утас 99896747

11:00 цагт: ШУТИС-ийн нэрэмжит “Ирээдүйн инженерүүд-2025” Улсын III олимпиадын шагнал гардуулах ёслол болно. Холбогдох утас 99071795

Үндэсний мэдээллийн төвд:

11:00 цагт: Монголын барилгачдын нэгдсэн холбооноос Сэлбэ дэд төвийн орон сууцны иж бүрэн цогцолбор хороолол барих тендер сонгон шалгаруулалтад монгол аж ахуй нэгжүүдийг оролцох боломжгүй болгосон ноцтой асуудлаар Төрийн гурван өндөрлөг, УИХ-д суудал бүхий намын бүлгүүдэд шаардлага хүргүүлнэ.

Орон нутагт:

9:00 цагт: Булган аймагт Хойд бүсийн зөвлөлийн анхдугаар хуралдаан болно.

-Хангайн бүсийн түншлэл Хамтын ажиллагаа үзэсгэлэн, худалдаа Булган аймгийн Цогтхунтайжийн талбайд болно.

-Сэлэнгэ аймагт 2025 оны хугацаат цэргийн албаны нэгдүгээр ээлжийн татлага энэ сарын 29-ныг дуустал үргэлжилнэ.

Хилийн чанадад:

-Мексикийн Мехико хотод шайбтай хоккейн III дивизоны дэлхийн аварга шалгаруулах тэмцээнд Монгол Улсаас 21 тамирчин хоккейчин оролцож байна.

-Япон Улсын “Осака Кансай”-д үргэлжилж буй “Дэлхийн экспо-2025” Монгол Улсаас 10 гаруй компани оролцож байна.

-Чехийн Үндэсний музейд “Чингис хаан” олон улсын үзэсгэлэн 6 дугаар сарын 22-ныг хүртэл гарч байна.