Ерөнхийлөгч Ц.Элбэгдорж Улаанбаатар хотын агаарын бохирдлын асуудлаар Төрийн ордонд өнөөдөр сэтгүүлчидтэй уулзалт хийж, өөрийн байр сууриа илэрхийллээ. Энэ үеэр түүний хэлсэн үгнээс онцлох эшлэлүүдийг түүвэрлэн хүргэж байна.
- Засгийн газраас эхлээд хотын захиргаа онцгой горимоор ажиллая.
- Гамшгийн бүсээс хүмүүсийг гаргадаг. Аюулгүй орчин руу гаргана. Дөрвөн уулын дунд биш, Монголын хэмжээнд сэтгэ л дээ.
- Нүүлгэн шилжүүлэлтэд Улаанбаатар хотыг тойрсон аймаг, сумдууд оролцох хэрэгтэй.
- Би хэзээ ч Улаанбаатар сайхан байна. Хүрээд ирээч гэж хэлж байгаагүй.
- Улаанбаатарын агаар ч биш, хөрс, ус бохирдчихсон.
- 2009 онд Ерөнхийлөгчөөр сонгогдоод, Улаанбаатар хот хүн амьдрахад аюултай хот боллоо гэдгийг би хэлж байсан.
- Үндсэн хуулинд байдаг хамгийн гол заалт бол Монгол Удсын иргэн эрүүл аюулгүй орчинд амьдрах эрхтэй гэж заасан.
- Хөдөөнөөс хүмүүс ажил, орлого бодож л ирж бна Улаанбаатарт ядаж тамхи ширхэглэсэн ч хүн нь олон юмдаа гэж бодож ирж байгаа.
- 2005 онд би Ерөнхий сайд байхдаа Хархорум хотыг жишиг хот байгуулах ажлыг санаачилж хийсэн. Их хурал дээр орж ирээд шийдэж чадалгүй орхисон.
- Нийслэлээс төрийн захиргааны төв байгууллага нүүх шийдвэр гаргахад бизнес, боломж, ажлын байр гараад ирнэ.
- Одоо Улаанбаатарт хөрөнгө оруулалт хийх биш, уралдаж гарах хэрэгтэй.
- Хотын ногоон байгууламжууд бохирдлыг шүүж чадахгүй. Мод ногоон л харагдаж байгаа болохоос үхчихсэн.
- Асуудлыг олны анхааралд оруулна, төрийнхөнд нөлөөлнө гэдэг ард түмнээс хамаардаг.
- 2009 онд Ерөнхийлөгч болоод би Улаанбаатар хүн амьдрахад аюултай хот болсныг хэлж байсан.
Сэтгэгдэл бичигдээгүй байна