Үндэсний сагсан бөмбөгийн холбооны 2018-19 оны улирлын тоглолтууд үргэлжлэн явагдаж байна. Багууд 40 гаруй тоглолтыг хийгээд байгаа бөгөөд лигийг 30 багийг дорнод бүсийн Торонто Рэпторз 33 ялалтаар тэргүүлж явна. Тэд одоогоор 45 тоглолтыг хийгээд байгаа юм. 12 ялагдал хүлээгээд байгаагийн 8-ийг нь айлын талбайд авчээ. Энэ зуны солилцоо Кабай Леонардын үүрэг нөлөө Торонтогийн амжилтын нэг хүчин зүйл болж байгаа билээ. Түүний хувьд сүүлд Вашингтоны эсрэг хийсэн маш хүнд тулаанд 41 оноо авч багаа ялалтанд хөтөлсөн юм. Канадын баг сүүлийн 5 тулаандаа дараалан ялалт байгуулаад байна. Торонто Рэпторзийн ард Милуоки Бакс баг 30 ялалт байгуулсан амжилтаар удаалж байгаа бол өрнөд бүсийн Денвер Наггетс, Голден Стейт Уорриорз багууд 29 хожил одоогоор авчээ. Денвер Наггетс сүүлийн 10 тулаанаасаа 8 ялалт байгуулсан амжилтаар өрнөд бүсийг тэргүүлж байгаа бөгөөд тэд аваргуудад байраа алдаагүй явна. Өнгөрсөн жилийн аварга Алтан мужийн сүүлийн 4 тулаандаа дараалан ялалт байгуулаад байна. Тэд сүүлийн тоглолтоо Даллас Маверикс багийн эсрэг хийж, 119-114 харьцаагаар ялалт байгуулсан билээ.
Сэтгэгдэл бичигдээгүй байна