Г.Галбадрах: Залуусын боломжийг ХУЛГАЙЛАГСАД


Монгол залуус дэлхийн шилдэг Их Дээд сургуулиудад суралцаж ѳндѳр боловсрол эзэмшин эх орондоо буцаж ирэн мэдлэг чадвараа хѳгжилд зориулах нь Монгол Улс дэлхийн хэмжээнд хѳгжих боломж нь мѳн. Боловсролын Зээлийн Сан /БЗС/ гийн үндсэн зорилго нь энэ аж. Гэтэл;

1. БЗС-аас улс тѳрчид болон тэдний хамаарал бүхий олон залуус зардал хийж гадаадад суралцаж тѳгссѳн боловч одоог хүртэл зээлээ тѳлѳѳгүй байна
2. БЗС-аас зээл авсан олон залуус зээл олгох шалгуурыг зѳрчиж, зарим нь амжиргааны зардлаа хүртэл авчээ
3. БСШУ-ны сайдаар ажиллаж байсан Цогзолмаа гэгч, нэгэн бѳхийн найран дээр очихдоо БЗС-ын зардлаар сурах эрхийг хүүхдэд нь бэлэг болгон ѳгчээ
4. БЗС-аас олон хүмүүс 32 000 $ тэгшитгэж авсан нь намын эсвэл улстѳрийн урамшуулал байдлаар олгосон гэх хардлагыг тѳрүүлж байна
5. БЗС-ийн мэдээллийг ил гаргаж мэдээлсний дараа олон хүмүүс зээлээ тѳлж эхэлсэн нь “хэрвээ баригдаагүй бол хэн ч тѳлѳхгүй” байх байсныг нотолж байна

БЗС-aaс дүрэм журмын дагуу зээл авч амжилттай суралцаад, сургуулиа тѳгсѳѳд ажиллах хугацаандаа зээлээ тѳлсѳн бол энэ сангийн мѳнгѳ эрүүл байдлаар эргэлтэд орж олон олон монгол залуус ѳндѳр боловсрол эзэмшин хѳгжих боломжтой байлаа. Гэтэл энэ сангийн мѳнгийг улстѳрчид давуу байдлаар ашигласан атлаа эргүүлж тѳлѳѳгүйгээс олон залуусын сурч хѳгжих боломж хулгайлагджээ. Одоо тэгээд:

1. Mэдээлэл ил болсны дараа аргагүйн эрхэнд зээлээ тѳлѳѳд л болоо юу?
2. Энэ олон жил сангийн мѳнгийг завшсаны алдагдлыг хэн хариуцах юм бэ?
3. Залуусын боломжийг хулгайлан завшсаны тѳлѳѳ хэн ч хуулийн хариуцлага хүлээхгүй юу?

Миний таних, бас итгэж хүндэлж байсан олон улстѳрчид БЗС-aaс зээл авчихаад ѳнѳѳг хүртэл тѳлѳѳгүй явсанд гайхсан бас ой гутсан. Та нар яаж ингэж чадаж байнаа? Жишим ч үгүй шударга ёс, тэгш байдал яриад л, залууст сургааль айлдаад явж байдаг. Олон хүмүүс “Үгүй яахав дээ, бүгдээрээ л адилхан завшчихсан байна шүү дээ. Сүржигнээд яахав дээ. Харин ч тѳлж байгаа нь их юм” гэх хандлагатай байгаа. Уучлаарай!!! Энэ бол уучилж боломгүй том гэмт хэрэг. Тэр тусмаа залуусын ѳѳдрѳг ирээдүй, гэгээлэг боломж, урам зоригийг хулгайлсан гэмт хэрэг. Дахиад ингэж завшуулахгүйн тулд заавал хариуцлага тооцох ёстой. Тэднийг улстѳрд хэзээ ч бүү ойртуул. Улстѳр ёс зүй дээр тогтдог юм.

Ѳнѳѳгийн Монголын боловсролын тоггтолцооны дампуурч буй шалтгаан үүнтэй бас холбоотой. Дэлхийн хэмжээний боловсролыг ингэж үнэгүйдүүлж байхад аргагүй шүү дээ.

1. БЗС-ын зээлийг бүрэн тѳлүүлж, энэ сангийн дүрэм журмыг шинэчилж, олон нийтэд нээлттэй байдлаар ажиллуулах хэрэгтэй байна
2. БЗС-aaс зээл авсан хугацаанаас нь ѳнѳѳдрийг хүртэл алданги тооцон, цувуулаад ч болов заавал тѳлүүлэх ёстой
3. Зээлээ тѳлѳхгүй “томроод” байгаа хүмүүсийг олон нийтэд байнга мэдээлж, хуулийн хариуцлага тооцох шаардлагатай. “Гахайд илүү эрх үгүй”
4. БЗС-г улстөрийн нөлөөнөөс гаргаж олон нийтийн хяналттай, бие даасан байдлаар ажиллуулах нь зав хувилбар байж магадгүй

Адгийн луйварчид хүүхэд залуусын боломжийг хулгайлдаг. Муу үр нѳлѳѳ нь хамгийн хортой. Энэ залуус Монголын хѳгжлийн ирээдүй юм шүү дээ, үнэхээр харамсалтай

Харнууд овгийн Гомбосүрэнгийн Галбадрах



Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 64.119.23.113
    2023/06/03

    даваасүрэн буян жагаа гэх мэь мэдрэл муутай өвгөчүүлээр өрийг нь төлүүлье бас жаравгар зальт эрдэнэбат схбат алтай контршаны бат эрдэнэ гэх элий балай юмнуудаар монголын өрийг төлүүлье

    Хариулах
  • 213.87.135.220
    2023/06/03

    Хамгийн сайн тавтай морилно уу секс болзоо сайт - - - www.Top24.pw

    Хариулах
  • 103.229.121.188
    2023/06/02

    Үнэхээр залуусын боломжийг хулгайлсан шүү!!! Миний хүү БЗС-аас зээл авах гэж 2 жил хөөцөлдөөд бүтээгүй, гэхдээ хаа байсан Солонгосын засгийн газрын тэтгэлэгт шалгалтанд тэнцэж, суралцсан

    Хариулах
  • 139.5.216.176
    2023/06/02

    Ёстой тийм шүү.Ер нь бол хүү алданг бол заавал төлүүлэ хэрэгтэй Бодохоос бөөлжис цутгаж байна.Яаж энэ олон жил хүний нүүр лүү харж өндөр алба хашиж Зүгээр юм шиг явцгааж чадаж байнаа.Аймшгийн хүмүүжилгүй сувдаг шунахай ховдог хомхой амьтад вэ.

    Хариулах