Хил зааснаас хойш хил дээр уулздаг болсон АЗ ЖАРГАЛТАЙ ХОСЫН ТҮҮХ

2020 оны 03 сарын 31

Дани улсын иргэн 85 настай Инга Расмюссен, түүний найз залуу болох герман улсын иргэн 89 настай Карстен Хансен нар хоёр улсын хил дээр дээр уулздаг аж. Тэд уулзахын тулд Инга Дани улсын жижиг тосгон болох Галлеусаас ирдэг бол Карстен Герман дахь Süderlügum-аас ирдэг юм байна.

 Süderlügum бол Герман улсын Шлезвиг-Холштайн мужийн Нордфрислан дахь дүүрэг юм. Энэ нь Дани улстай хиллэдэг бөгөөд Фленсбург хотоос баруун зүгт 35 км, Тондер хотоос зүүн өмнөд зүгт 7 км зайд байрладаг. 

Тэд хоёр жилийн өмнө Галлехусын ойролцоох гудамжны Ингагийн найзын эдлэнгийн тэнд гүзээлзгэнэ, төмс зардаг байсан газар хоёр жилийн өмнө уулзаж байжээ. Тэдний хоорондох халуун дулаан уур амьсгал маш хурдан бүрджээ. Энэ тухай Карстен "Бид 2 санаандгүй л тааралдчихсан. Би яриа өдөөд, өөр хүнд зориулан худалдаж авсан цэцгийн баглаагаа шууд Ингад өгчихсөн. Тэр даруйдаа би Ингаг гэртээ урьсан. Маргааш нь ахиад нэг бяцxан баярт урьсан" гэж баяртайгаар өгүүлэв.

Харин Инга уулзалтынхаа тухай тайлбарлахдаа бид хоёр хилийн наана цаана суун кофегоо уудаг бөгөөд дараагаар нь машинаа жолоодон харьдаг юм. Нас бие гүйцсэн хойноо бие биенээ таньж, нэг нэгнийдээ очин уулздаг байсан. Гэвч гуравдугаар сарын 13-ний өдөр хил хааснаас хойш хилийн боомт дээр уулзаж байна даа гэж хэлэв.

Мюленхаус/Мольлехус-Авентофт дахь хилийн боомт дээр уулзаж байна (Хоёр хилийн боомт нь 20 км-ын зайтай)

АНХ ТАНИЛЦСАН ТОВЧ ТҮҮХЭЭС

"Би танилынхаа эдлэн дээр очиж гүзээлзгэнэ худалдаж авах гээд зогсож байсан юм. Карстен миний хойно зогсож байлаа л даа. Тэрээр надаас Кирстен энэ байшинд амьдрахаа больчихсон юм уу гэж асуусан юм. Би ч түүнд Кирстен нүүгээд удаж байгаа гэж хариулав. Намайг хариулахын сацуу гартаа барьж байсан цэцгийн баглаагаа надад өгсөн. Би маш их гайхсан. Карстен удалгүй надаас чи манайд очиж болно, хоёулаа хамт кофе ууя гэсэн санал тавьсан. Би ч хамт явсан. Одоо тэр үед яагаад дагаж явснаа өөрөө ч мэддэггүй шдээ" хэмээн Инга инээвхийлэн ярилаа.

Тэд хилийн зурвас дээр уулзахдаа 1,5 метрийн зайнаас харилцаж байна

Тэд бие биенээ хонгор минь (schatzi) гэж нэрийднэ. Хоёулаа бэлэвсрээд олон жил болж байгаа аж. Тэдний хайр дурлал дан ганц хилийн наана цаана өрнөөгүй билээ. Тухайлбал тэд өмнө нь хоёр ч удаа усан онгоцоор Дунай мөрнөөр хамт аялал хийсэн гэнэ. Инга, Карстен нар өөр нэг аялал хийхийг төлөвлөсөн байгаа хэдий ч хорио цээрийг дэглэмийн үед гэртээ байсан нь дээр гэж үзэж байгаа аж. 

Инга гурван охинтой бөгөөд түүний нөхөр таван жилийн өмнө нас барсан байна. 

Карстен өөрсдийн уулзалтанд ирэхдээ электрoн дугуйгаа унаад, халуун савандаа өөрийнхөө чанасан кофегоо хийгээд ирдэг бол Инга нь өөрийн хийсэн жигнэмэг, бялуу хийн машинаараа авчирдаг гэнэ. Түүнчлэн Карстен ирэх жил 90 насны ойгоо Ингатайгаа хамт тэмдэглэхийг хүсдэг аж.

Хорио цээрийн дэглэмийн үед олон нийтийг түгшээсэн мэдээлэл нийтэд хүрээд байсан бол энэхүү мэдээлэл олон нийтийг сэтгэл зүйг тайвшруулж байгаа юм байна. Учир нь Тондэр хотын дарга Хенрик Фрэндсений ачаар хосууд өдгөө хэвлэл мэдээллийн од болсон байна. Тэрээр Лхагва гарагт дугуйн аялан тоглолтын үеэр хосуудтай танилцжээ. Түүнчлэн тэрээр хосуудын зургийг өөрийн фэйсбүүк хуудаснаа байршуулснаар жинхэнэ урам зоригийн үе хүлээн авсан тухайгаа хэлсэн байна. Пүрэв гарагийн өглөө гэхэд фэйсбззкийн 1100 хэрэглэгчдэд таалагдан, 56 сэтгэгдэл ирж, 518 хүн энэхүү мэдээллийг цааш түгээсэн байна. Иймд цар тахлын үед бидэнд харилцаа холбоонд хориг тавьсан хэдий ч гайхалтай түүх, урмын үг, хамт олны дунд амьдрах итгэл найдварыг өгч байгаад баярлаж байна хэмээн Хенрик хэлсэн байна.

Эх сурвалж: Nordschleswiger, Welt

Э.Мөрөн

Сэтгэгдэл (2)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 03 сарын 31
211.36.140.57
Haha

Uhsen baas..ood bolson hani ijluudee doromjlood l nasaara amidarsan bna uhsen hoino ni ch doromjlood suuj bdg

Зочин (103.229.121.198)
2020 оны 03 сарын 31

Шааал тэнэг.