Ч.Ганжавхлан:Давхар цалин аваад суух биш, хүүхдүүдэд хандивласан нь ШИНЭ ХАНДЛАГА, БАЯРЛАЛАА

2020 оны 10 сарын 23

Шударга өрсөлдөөн хэрэглэгчийн төлөө газрын дарга Б.Бат-Эрдэнэ "Таван толгой" ХК-ийн ТУЗ-ийн гишүүний цалингаа "Ид шидийн орон" төвд хандивлаж байхаар болжээ.

Энэ талаар "Ид шидийн орон" төслийн санаалагч, хэрэгжүүлэгч Ч.Ганжавхлан "ШӨХТГ-ын дарга Б.Бат-Эрдэнэ хамт олны хамт ирж манай шидэт кафед кофе ууж өглөөг эхэллээ. Эхний мэдээ бол Б.Бат-Эрдэнэ Таван толгойн ТУЗ-д сонгогдон ажиллахаар болж тэндээс авах цалингаа сар бүр "Ид шидийн орон" төв руу шууд хандивлах шийдвэр гаргажээ. Тэр цалингаар нь бид Ид шидийн орон дээрээ нэг дугуйлан сургалт нээхээр болж багш нарын цалинг даагаад явж болох юм байна гэж үзэв.

Эдийн засаг амьдрал хүнд байгаа энэ үед давхар цалин аваад суух биш хүүхдүүдэд нэг хөөрхөн сургалт нээчихэж байгаа нь ШИНЭ ХАНДЛАГА юм, маш их баярлалаа. Түүнээс гадна хүүхэд хамгааллын чиглэл дээр ХҮҮХЭД хэмээх хэрэглэгчийн эрх зөрчигдөж байгаа олон асуудлуудыг ярилцаж хамтарч ажиллах саналууд гаргав. Шударга бус зүйлийг хамтдаа зогсооцгооё ! Амжилт" гэжээ.

Г.Сар

Сэтгэгдэл (3)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 10 сарын 24
202.126.89.185
Баасансүрэн

Энэ чинь гоц үзэгдэл байна. Монголын ирээдүйг бодож хүүхдүүдийг хөгжүүлэх үйлсийг харамгүй дэмжсэнд баяраллаа.

2020 оны 10 сарын 23
202.9.46.165
зочин

баяр хүргье амжлт хүсье бусдад боломж өгнө гэдэг хамгийн сайн зүйл

2020 оны 10 сарын 23
64.119.20.168
Зочин

Мундаг залуучуудад улам их АМЖИЛТ хүсэн ерөөе.