Б.Гэрэлчулуун: Эрчүүд хооронд маргаан, зодоон байж л байдаг. Бид цөөхүүлээ байж ийм хатуу байж болохгүй

ЭТИК" продакшны жүжигчин С.Одбаяр бусдыг зодож буй бичлэг цацагдаж, олон нийт шүүмжлээд буй. 

Уг асуудалтай холбогдуулан "ЭТИК" продакшны үүсгэн байгуулагч, найруулагч, жүжигчин Г.Даваазул, А.Энхжин нар тухайн жүжигчинд хариуцлага тооцохоор болсон. Мөн бүх кино театруудаас Хэлгүй жим кино нь татан буугдаж байгаа талаар мэдээлсэн.  Уг бичлэгээс үүдэн тус продакшны бусад жүжигчдийн бусдыг дарамталж буй бичлэгүүд цахим орчинд цацагдсан. 

Улмаар цагдаагийн байгууллагаас "Цахим орчинд нийтлэгдсэн бичлэгүүдийн дагуу хэргүүдийг нэгтгэж, шалгалтын ажиллагаа явуулахаар ажиллаж байна" гэх тайлбарыг өгөөд байсан. 

Тэгвэл жүжигчин, мисс Б.Гэрэлчулуун "ЭТИК"-ийн этикгүй жүжигчдийг өмөөрчээ. 

Тэрбээр "Эр хүмүүс нэг алдаал биз...яадаг юм. Улс орноо зараад, утаа тортогонд амьдруулаад ,улсын адаг болгосон биш...яадаг юм. Авилга хээл хахуул өгч, хүүхэд хүчирхийлж, улсын мөнгө идэж, тансаглаж дарвайсан биш үхсэн яадаг юм.  Эрчүүдийн хоорондын асуудал зодоон маргаан , алиа маазраан хаана ч байдаг. Байсаар ч байна...яадаг юм.  Надад ч арзагнах дүрэмгүй дураараа явдаг үе байдаг...яадаг юм. 

Залуу хүмүүсийг хазайсан дээр нь түлхэж эрч хүч хүсэл мөрөөдөл авъяас юуг нь унтрааж болохгүй шүү дээ. Доромжилж муулж адламаар байга бол тэр төр засгийн хэдээ л тэг!!!!!
Урлаг соёлынхон хэнд ч гай болоогүй явцгаадаг шүү. Муулах болхоор хомроглож ирээд л сэвнэ. Баярлаж цэнгэх болхоор ийм ч дуучин бнуу тийм ч хөтлөгч жүжигчин бнуу гээдл амьсгаадна... МУУХАЙ ШҮҮ МУУХАЙ!!!!
Хүнд зовлонгоос илүү жаргадаг өдөр олон байдаг....Араа бодоорой Гочоонуудаа. Ёстой өмөөрнө шүү. Хаана ч хүнийг ялгаж харьцдаггүй , мэндтэй устай , тусч , хөдөлмөрч , зүтгэлтэй , цайлган сайхан залуусыг л би мэднэ.

Солонгосд л олны танилаа нэг л буруу гишгэвэл нийтээр нь муулсаар бгад энэ ертөнцөөс явуулдаг гэж сонсож байсан. Бид цөөхүүлээ ийм хатуу байж болохгүй.  Би ч та ч алдана...бидний үр хүүхэд ач зээ нар ч алдана. Жаахан дотор сэтгэлтэй байгаач.  Цөөхөн Монголчууд минь амаа араа мэдэцгээнэ байгаа айн" гэжээ.