Улсын Их Хурлын даргын дэргэдэх зөвлөлийн хурлаас ирэх долоо хоногт нь парламентаар хэлэлцэх асуудлын тов, дарааллыг баталдаг. Зөвлөлөөс энэ долоо хоногт гаргасан төлөвлөгөөг танилцуулж байна.
Даваа гарагт УИХ дахь намын бүлгүүдийн хуралдахын зэрэгцээ Үндэсний баялгийн сангийн тухай хуульд нэмэлт, өөрчлөлт оруулах тухай хуулийн төсөл, мөн Хархорум хотын бүтээн байгуулалт, хөгжлийг дэмжих тухай хуулийн төслийг хэлэлцэх ажлын хэсгийн хуралдаан товлогджээ.
Лхагва гарагт Аюулгүй байдал, гадаад бодлогын байнгын хороогоор Монгол Улсын Ерөнхийлөгчөөс өргөн мэдүүлсэн Элчин сайдыг томилох асуудлаар зөвшилцөх тухай хэлэлцэнэ.
Харин пүрэв, баасан гарагт УИХ-ын чуулганы нэгдсэн хуралдаанаар Үндэсний баялгийн сангийн тухай хуульд нэмэлт, өөрчлөлт оруулах тухай хуулийн төсөл болон “Стратегийн ач холбогдол бүхий ашигт малтмалын ордын төрийн эзэмшлийн хувь, хэмжээг орлуулах тухай” Улсын Их Хурлын тогтоолын төслийн анхны хэлэлцүүлгийг хийнэ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна